فۋتبولدان 19 جاسقا دەيىنگى 2026-2027 جىلعى ەۋروپا چەمپيوناتىن الماتى مەن شىمكەنتتە وتكىزۋگە ءوتىنىم بەرىلدى. بۇل تۋرالى قازاقستان فۋتبول فەدەراتسياسىنىڭ باسشىسى ادىلەت بارمەنقۇلوۆ مالىمدەدى، دەپ حابارلايدى “ادىرنا” پورتالى.
"قازاقستان فۋتبول فەدەراتسياسى مەن فيفا، ۋەفا اراسىنداعى ىنتىماقتاستىقتىڭ كەلەشەگى زور. 2022 جىلى ۋەفا الماتىدا 19 جاسقا دەيىنگى قىزدار اراسىنداعى 2022-20223 جىلعى ەۋروپا چەمپيوناتىنىڭ ىرىكتەۋ ءتۋرنيرىنىڭ ماتچتارىن وتكىزۋدى قازاقستانعا سەنىپ تاپسىردى. بۇل ءبىزدىڭ حالىقارالىق ءىس-شارالاردى ساپالى ۇيىمداستىرۋعا قابىلەتتى ەكەنىمىزدى دالەلدەيدى", - دەدى بارمەنقۇلوۆ.
ول سونداي-اق الداعى ۋاقىتتا فۋتبولدان ەۋروپا چەمپيوناتى قازاقستاندا ءوتۋى مۇمكىن ەكەنىن ايتتى.
ء"بىز الەمدىك فۋتبول ارەناسىندا ءوز پوزيتسيامىزدى نىعايتۋعا بەلسەندى تۇردە ۇمتىلۋدامىز. فۋتبولدان 19 جاسقا دەيىنگى 2026-2027 جىلعى ەۋروپا چەمپيوناتىن الماتى مەن شىمكەنتتە وتكىزۋگە ءوتىنىم بەرىلدى. بۇل سۇراقتىڭ جاۋابى وسى جىلدىڭ قىركۇيەك ايىندا بەلگىلى بولادى دەپ كۇتىلۋدە", - دەدى فەدەراتسيا باسشىسى.
