ءىس-شارا اياسىندا مەگاپوليستەگى جۇزدەگەن ساياباقتا تاجىريبەلى سپيكەرلەر مەن شىعارماشىل تۇلعالار بوي كورسەتەدى. ۇيىمداستىرۋشىلاردىڭ ايتۋىنشا، مۇنداي جيىندار ءوز كەزەگىندە بالالار مەن جاسوسپىرىمدەردىڭ جان-جاقتى دامىپ، سالاۋاتتى ءومىر سالتىن قالىپتاستىرۋىنا ىقپال ەتەدى. ايتا كەتەيىك، ساباقتار تەگىن وتكىزىلىەدى. بۇگىندە الماتىدا مۇنداي ءىس-شاراعا قاتىساتىنداردىڭ سانى 850-دەن اسقان.
– بۇگىنگى ءىس-شارانىڭ نەگىزگى ماقساتى – الەۋمەتتىك جاعدايى تومەن وتباسى بالالارىنا دا دەمالىس ورنىن تانىتۋ بولىپ تابىلادى. ول بالالاردىڭ بارلىعى دەمالىس ورتالىعىنا تەگىن تىركەلە الادى. بۇل ءىس-شارانىڭ مىندەتى – دەمالىس ورتالىقتارىن تانىتۋ، – دەدى جاستار ساياساتىن دامىتۋ مەملەكەتتىك قورىنىڭ ءبولىم باسشىسى شولپان جابايقىزى.قوسا كەتەيىك، الماتىنىڭ بوستاندىق اۋدانىندا اتالعان باعىت بويىنشا 8 دەمالىس ورتالىعى تۇراقتى جانە تەگىن جۇمىس ىستەيدى. مۇنداي ورىنداردا جاسوسپىرىمدەر مەن بالالار جالپى 3 باعىت بويىنشا ۇيىرمەلەر مەن سەكتسيالارعا قاتىسا الادى.
– ورتالىقتا بالالارعا ءتۇرلى ساباق وتكىزىپ جاتىر. اسىرەسە، گيتارا، ۆوكال سىندى ساباقتارىنا قاتىسۋشىلار كوپ. شىنى كەرەك، جازداعى بالالاردىڭ دەمالىسى قىزىقتى ءوتۋى ءتيىس. سونداي-اق ولاردىڭ وسۋىنە، دامۋىنا باعىتتالۋى كەرەك، – دەدى دەمالىس ورتالىعىنىڭ توراعاسى سامات يششانوۆ.
