الماتى قالاسى اكىمىنىڭ ورىنباسارى الىشەر ابدىقادىروۆ قاتىسۋشىلار مەن جەڭىمپازدارعا شىن جۇرەكتەن العىس ءبىلدىرىپ، ولاردىڭ سپورتقا دەگەن ادالدىعىن جانە سالاۋاتتى ءومىر سالتىن ناسيحاتتاۋداعى ەرەكشە ءرولىن اتاپ ءوتتى.
الماتىدا 20 تامىزدا سپورت كۇنىن مەرەكەلەۋ قۇرمەتىنە ەڭبەك سىڭىرگەن سپورتشىلاردى، اتاقتى قايراتكەرلەر مەن سپورت ارداگەرلەرىن سالتاناتتى ماراپاتتاۋ ءراسىمى ءوتتى.
ماراپاتتاۋ ءراسىمى رەسپۋبليكالىق جانە حالىقارالىق جارىستاردا قالانىڭ سپورتتىق بەدەلىن كوتەرۋگە ىقپال ەتكەن كوپتەگەن سپورتشىلاردى، جاتتىقتىرۋشىلاردى، سپورت ۇيىمدارىنىڭ ءبىرىنشى تۇلعالارىن، سونداي-اق سپورت ارداگەرلەرىن جينادى.
ءىس-شارا اياسىندا العىسحاتتار مەن مەدالدار تابىستالدى. الماتى قالاسى اكىمىنىڭ ورىنباسارى الىشەر ابدىقادىروۆ قاتىسۋشىلار مەن جەڭىمپازدارعا شىن جۇرەكتەن العىس ءبىلدىرىپ، ولاردىڭ سپورتقا دەگەن ادالدىعىن جانە سالاۋاتتى ءومىر سالتىن ناسيحاتتاۋداعى ەرەكشە ءرولىن اتاپ ءوتتى.
كاسىبي سپورتتاعى سىڭىرگەن ەڭبەگى جانە سالاۋاتتى ءومىر سالتىن ناسيحاتتاعانى ءۇشىن مىنالار ماراپاتتالدى: چەندۋدە سپورتتىق گيمناستيكادان وتكەن جازعى ۋنيۆەرسيادانىڭ چەمپيوندارى ميلاد كاريمي جانە ناريمان قۇربانوۆ، بوكستان الەم چەمپيوندارى نازىم قىزايباي جانە الۋا بالقىبەكوۆا، ەركىن كۇرەستەن الەم چەمپيوناتىنىڭ كۇمىس جۇلدەگەرى ايتمۇحان ريزابەك، «سەن باسقاسىڭ» جوباسىنىڭ نەگىزىن قالاۋشى ۆاليحان تەن، «ءبىرىنشى بولۋ باتىلدىق» كورپوراتيۆتى قورىنىڭ اتقارۋشى ديرەكتوررى سالتانات قازىباەۆا، «شىمبۇلاق» تاۋ شاڭعىسى كۋرورتىنىڭ ديرەكتورى رينات ءابدىراحمانوۆ، ەركىن كۇرەستەن بىرنەشە دۇركىن وليمپيادا چەمپيونى يسلام بايرامۋكوۆ، جەڭىل اتلەتيكادان قر ەڭبەك سىڭىرگەن جاتتىقتىرۋشىسى ءامين تۇياقوۆ، سونداي-اق سپورت فەدەراتسيالارىنىڭ، وليمپيادالىق رەزەرۆتەگى بالالار مەن جاسوسپىرىمدەر مەكتەپتەرىنىڭ باسشىلارى جانە قر ەڭبەك سىڭىرگەن جاتتىقتىرۋشىلارى.
«الماتى - قازاقستاننىڭ بارلىق وڭىرلەرى اراسىندا جازعى جانە قىسقى سپورت تۇرلەرى بويىنشا ەڭبەگى سىڭگەن كوشباسشى. ۇلتتىق قۇرامانىڭ مىڭعا جۋىق سپورتشىسى - قالامىزدىڭ تۇلەكتەرى. ءبىز تالانتتى سپورتشىلاردىڭ تۇتاس ءبىر توبىن وسىرگەن قالامىزدىڭ باي سپورتتىق تاريحىمەن ماقتانامىز جانە الەمدىك ارەنادا ەلىمىزدىڭ نامىسىن قورعاعان ۇلى چەمپيونداردى ەسكە الامىز», - دەپ قۇتتىقتادى ماراپاتتاۋ راسىمىنە قاتىسۋشىلاردى الىشەر ابدىقادىروۆ.دەرەككوز: Almaty.tv
