قاسىم-جومارت توقاەۆ الەۋمەتتىك جەلىدەگى پاراقشاسىندا ۇستازدار مەن وقۋشىلاردى ءبىلىم كۇنىمەن قۇتتىقتادى، دەپ حابارلايدى “ادىرنا”.
مەملەكەت باسشىسى ءوز قۇتتىقتاۋىندا جاس ورەندەردىڭ ساپالى ءبىلىم، تاعىلىمدى تاربيە الۋى ءۇشىن بارلىق جاعدايدى جاسايتىنىن اتاپ ءوتتى.
"مەكتەپتىڭ جانى – مۇعالىم" دەپ احمەت بايتۇرسىنۇلى ايتقانداي، ۇستازدىڭ بالا تاربيەسىندەگى ورنى ەرەكشە. ءار وقۋشىنىڭ تۇلعا بولىپ قالىپتاسۋىندا مۇعالىمدەر ماڭىزدى ءرول اتقارادى. سوندىقتان ءبىز پەداگوگتەردى ءاردايىم قولدايمىز. قازاقستاننىڭ بولاشاعى – ءبىلىمدى ۇرپاقتىڭ قولىندا! ولاردىڭ وقۋدا وزات بولىپ، قوعامنىڭ بارلىق سالاسىندا بيىك بەلەستەردى باعىندىرۋىنا تىلەكتەسپىن! جاستارىمىز كەلەشەكتە وتانىمىزعا ادال قىزمەت ەتىپ، ونىڭ دامۋىنا ۇلەس قوساتىنىنا كامىل سەنەمىن! ءبىلىم كۇنى قۇتتى بولسىن!، – دەپ جازدى قاسىم-جومارت توقاەۆ.
