قوستانايدىڭ «توبىل» فۋتبول كلۋبىنىڭ ويىنشىسى وبلىستىق اۋرۋحانانىڭ جانساقتاۋ بولىمىنە تۇسكەن. بۇل تۋرالى قوستاناي وبلىستىق دەنساۋلىق ساقتاۋ دەپارتامەنتىنىڭ ءباسپاسوز قىزمەتى حابارلادى.
«وبلىستىق اۋرۋحانانىڭ جانساقتاۋ بولىمىنە «توبىل» كلۋبىنىڭ ءبىر فۋتبولشىسى ءتۇستى. ول تاماقتان ۋلانعان. جاعدايى وتە اۋىر. قازىر ارنايى ەم-دوم شارالارىن قابىلداپ جاتىر»، - دەپارتامەنتتىڭ ءباسپاسوز قىزمەتى. بىراق ويىنشىنىڭ اتى-ءجونى ايتىلماعان. بەيرەسمي اقپارات كوزدەرىمەن قاتار KazFootball.kz تاراتقان اقپاراتقا سۇيەنسەك، ۋلانعان فۋتبولشى سەنين سەباي. سەنين قىسقى ترانسفەر بارىسىندا رەسەيدىڭ «تامبوۆ» كلۋبىنان اۋىسىپ كەلگەن. سول كەزدە بۇل شابۋىلشىنى قوستاناي كومانداسى 50 مىڭ دوللارعا ساتىپ العانىن قوستانايلىق كلۋب رەسمي مالىمدەگەن.
