بيىل مامىر ايىنىڭ سوڭىندا «ۇشقوڭىر سۋ شارۋاشىلىعى كوللەدجى» مەملەكەتتىك كوممۋنالدىق قازىنالىق كاسىپورنىن مەملەكەت مەنشىگىنە قايتارۋ تۋرالى سوت وتىرىسى ءوتتى، دەپ جازادى "ادىرنا" پورتالى.
بيبىگۇل ۇزاقوۆا باسقاراتىن الماتى وبلىسىنىڭ قارجى باسقارماسى 2022 جىلدىڭ قىركۇيەگىنەن باستاپ ەكس-پرەزيدەنتتىڭ اپكەسى ءانيپا ابىشقىزى نازارباەۆانىڭ يەلەگىندەگى جەكە كاسىپكەرلىكتى سوتقا بەردى.
كوللەدج ءىس ماتەريالدارى بويىنشا كەيىننەن ساتىپ الۋ ارقىلى سەنىمگەرلىك باسقارۋعا بەرىلدى.
سوت تالاپكەردى قاناعاتتاندىرىپ، شارتتى بۇزۋ تۋرالى شەشىم قابىلدادى.
«قارجى ءبولىمى» رەسپۋبليكالىق مەملەكەتتىك مەكەمەسىنىڭ اراسىندا جاسالعان 2016 جىلعى 7 شىلدەدەگى No 3 «ۇشقوڭىر سۋ شارۋاشىلىعى كوللەدجى» مەملەكەتتىك كوممۋنالدىق قازىنالىق كاسىپورنىنىڭ ساتىپ الۋ قۇقىعىمەن سەنىمگەرلىكپەن باسقارۋ شارتى بۇزىلسىن - دەلىنگەن ءىس ماتەريالدارىندا.
سونىمەن قاتار، سوت ءانيپا ابىشقىزىنان مەملەكەتتىك باج سالىعىن ءوندىرۋ تۋرالى شەشىم قابىلدادى:
«ءانيپا» جەكە كاسىپكەرلىگى نازارباەۆا انيپا ابىشقىزى اتىنان مەملەكەت كىرىسىنە 3450 ء(ۇش مىڭ ءتورت ءجۇز ەلۋ) تەڭگە مەملەكەتتىك باج ءوندىرىلسىن", دەلىندى ماتەريالدا.
"ادىرنا" ۇلتتىق پورتالى
