بۋرابايداعى بەس جۇلدىزدى قوناقۇيدىڭ قىزمەتكەرلەرى جاپپاي استان ۋلاندى، دەپ حابارلايدى “ادىرنا” ۇلتتىق پورتالى حابار 24 ارناسىنا سىلتەمە جاساپ.
اقپارات بويىنشا، استان ۋلانعان 17 قىزمەتكەر مەديتسينالىق كومەككە جۇگىندى. قازىر 9 ادام جۇقپالى اۋرۋلار اۋرۋحاناسىندا جاتقىزىلعان. قالعانىنىڭ جاعدايى قالىپتى. دارىگەرلەردىڭ ايتۋىنشا، بارلىق ناۋقاسقا باكتەريالىق ىشەك ينفەكتسياسى دياگنوزى قويىلعان. قازىر قوناق ءۇيدىڭ مەيرامحاناسىنا جوسپاردان تىس تەكسەرۋ جۇرگىزىلىپ جاتىر.
قازىر قوناقۇيدىڭ مەيرامحاناسىنان سۋ، تاماق ونىمدەرى مەن شايىندىلاردان 40-قا جۋىق سىناما الىنىپ، زەرتحاناعا جىبەرىلەدى. العاشقى قورىتىندىسى 3 كۇن ارالىعىندا بەلگىلى بولادى. باسقا قىزمەتكەرلەردەن ازىرگە شاعىم تۇسكەن جوق ،– دەدى سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى سەرىك ومارحانوۆ.
