كەشە اقتاۋ قالاسى، 16-شى ىقشام اۋدانى، 59 ءۇي مەكەنجايىندا قاراۋسىز قالعان بالا قۋىسقا قۇلاپ كەتىپ، قوس ءۇيدىڭ قابىرعاسىنا قىسىلىپ قالدى، دەپ حابارلايدى "ادىرنا" ۇلتتىق پورتالى.
وقيعا ورنىندا قالالىق توتەنشە جاعدايلار دەپارتامەنتىنىڭ ەكى كولىگى مەن جەكە قۇرامنان سەگىز قىزمەتكەر اتتانىپ، قۇتقارۋ جۇمىستارىن جۇرگىزدى.
"وقيعا ورنىنا جەتكەن تجد قىزمەتكەرلەرى اتالعان مەكەن-جايدا جەتى قاباتتى تۇرعىن ءۇيدىڭ شاتىرىنان قابىرعالارى جاقىن ورنالاسقان ەكى تۇرعىن ءۇيدىڭ اراسىنداعى قۋىسقا بالانىڭ قۇلاپ، ءبىرىنشى قابات دەڭگەيىندە قىستىرىلىپ قالعانىن انىقتادى. تجد قىزمەتكەرلەرى كۇشىمەن 2006 جىلعى ءجاسوسپىرىم قاۋىپسىز جەرگە شىعارىلىپ، جەدەل جاردەم قىزمەتكەرلەرىنە تاپسىرىلدى. قازىرگى تاڭدا زارداپ شەككەن بالا ماڭعىستاۋ وبلىستىق بالالار اۋرۋحاناسىنىڭ جان ساقتاۋ بولىمىندە جاتىر، جاعدايى اۋىر دەپ باعالانادى", - دەپ حابارلادى تجم وكىلدەرى.سونىمەن قاتار، زارداپ شەككەن بالانىڭ تۇرعىن ءۇيدىڭ شاتىرىنا شىعىپ، دوستارىمەن بىرگە ويناپ جۇرگەنى، اتا-انا قاراۋىنسىز قالعانى ناقتىلانادى.
"ادىرنا" ۇلتتىق پورتالى
ۇقساس جاڭالىقتار
