ءماجىلىس دەپۋتاتى رينات زايىتوۆ ەلدەگى ەڭ تومەنگى جالاقى 300 مىڭ تەڭگە بولۋى كەرەك دەپ سانايدى. بۇل تۋرالى ول ءماجىلىس كۋلۋارىندا ايتتى، دەپ حابارلايدى “ادىرنا” ۇلتتىق پورتالى.
مينيسترلىكتەر ەسەپتەسىن. مەنىڭشە ەڭ تومەنگى جالاقى 300 مىڭ تەڭگە بولۋى كەرەك، - دەيدى زايىتوۆ.
ول بيۋدجەتكە سالماق تۇسىرمەي، ەڭ تومەنگى جالاقىنى كوتەرۋگە بولاتىنىن ايتتى.
ءسىز ۇلتتىق كومپانيالاردىڭ باسشىلارى، ورىنباسارلارى جىلىنا قانشا سىياقى الاتىنىن بىلەسىز بە؟ جۇزدەگەن ميلليونداپ الادى. نەگە سونى رەتكە كەلتىرمەيدى؟ مەن نەنىڭ ەسەبىنەن كوتەرۋگە بولاتىنىن شەشۋ ءۇشىن ءتۇرلى جول تاۋىپ بەرەمىن. مەن
عانا ەمەس، بۇكىل دەپۋتاتتار تاۋىپ بەرەدى" - دەيدى ول.
سونداي-اق، زايىتوۆ بۇل مەملەكەتتىڭ شىعىنىن قىسقارتۋ ەمەس، تەك سانداردى ويناتۋ ەكەنىن اتاپ ءوتتى.
قىزمەتكەرلەردىڭ ساناتى دەگەن بولادى، سولاردىڭ رۇقسات ەتىلگەن مەجەلەرى. سونى رەتكە كەلتىرسە، بۇل ءوز وزىنەن شەشىلەتىن سۇراق. اقىرى قىمباتشىلىقپەن كۇرەسە الماساق، ءبىز حالىقتىڭ تابىسىن كوتەرىپ بەرۋىمىز كەرەك، - دەدى زايىتوۆ.
ايتا كەتەيىك، رەسپۋبليكاداعى ەڭ تومەنگى جالاقى 70 مىڭ تەڭگەنى قۇرايدى. پرەزيدەنت كەلەسى جىلدىڭ قاڭتارىنان ونىڭ مولشەرىن 85 مىڭ تەڭگەگە دەيىن كوتەرۋدى تاپسىردى.
