جەتىسۋ وبلىسىندا مەملەكەت ونەركاسىپتى ىنتالاندىرۋ شارالارىن قولدانا وتىرىپ، كاسىپورىن شىعىندارىنىڭ ءبىر بولىگىن وتەپ بەرمەك

جەتىسۋ وبلىسىندا مەملەكەت ونەركاسىپتى ىنتالاندىرۋ شارالارىن قولدانا وتىرىپ، شىعىنداردىڭ ءبىر بولىگىن وتەپ بەرمەك. ولار وتاندىق ءونىمدى ىشكى نارىققا ىلگەرىلەتۋگە جانە ەڭبەك ونىمدىلىگىن ارتتىرۋعا باعىتتالعان. ال بۇل مۇمكىندىكتى پايدالانۋ ارقىلى ونەركاسىپتەر ءوز باسەكەلەستىگىن ارتتىرۋعا مۇمكىندىك بەرەدى. شىعىنداردى وتەۋ ارقىلى كاسىپورىندار ءوز قىزمەتكەرلەرىنىڭ قۇزىرەتىن ارتتىرا الادى، تەحنولوگيالىق پروتسەستەردى جەتىلدىرىپ، تسيفرلىق تەحنولوگيالاردى ەنگىزە الادى. سونداي-اق ءوز ونىمدەرى مەن قىزمەتتەرىن ىشكى نارىققا شىعارا الادى. بۇل شارالار كاسىپورىنداردىڭ باسەكەگە قابىلەتتىلىگىن ارتتىرۋعا جانە ەلىشىلىك قۇندىلىقتى ارتتىرۋعا ىقپال ەتەدى. شىعىنداردى «QazIndustry» قازاقستاندىق يندۋستريا جانە ەكسپورت ورتالىعى» اق وتەيدى. ءبىرىنشى. ونەركاسىپ ورىندارىنىڭ باسشىلارى ەڭبەك ونىمدىلىگىن ارتتىرۋعا باعىتتالعان شىعىندارىنىڭ بىر بولىگىن وتەۋ بويىنشا ءوتىنىم بەرە الادى. اتاپ ايتقاندا، بۇل - قىزمەتكەرلەردىڭ قۇزىرەتىن ارتتىرۋعا، تەحنولوگيالىق پروتسەستەردى جەتىلدىرۋگە، ءوندىرىستى ۇيىمداستىرۋدىڭ تيىمدىلىگىن ارتتىرۋعا، تسيفرلىق تەحنولوگيالاردى ەنگىزۋگە جۇمسالعان شىعىندار. مەملەكەت شىعىنداردىڭ بۇل تۇرلەرى بويىنشا 40 % وتەيدى (30-دان 60 ملن تەڭگەگە دەيىن). ەكىنشى. ونەركاسىپتىك-يننوۆاتسيالىق قىزمەت سۋبەكتىلەرى ءوز تاۋارلارىن، جۇمىستارى مەن قىزمەتتەرىن ىشكى نارىققا ىلگەرىلەتۋ بويىنشا شىعىنداردى وتەۋگە ءوتىنىم بەرە الادى. بۇل ءونىمنىڭ سەرتيفيكاتتىق جانە زەرتحانالىق سىناقتارىن، سونىڭ ىشىندە سەرتيفيكاتتاردى تىركەۋ، سىناق ناتيجەلەرىن ساراپتاۋدى جۇرگىزۋگە كەتەتىن جانە اياق كيىم ءونىمىن تاڭبالاۋعا كەتەتىن شىعىن بولۋى مۇمكىن. بۇل جاعدايدا مەملەكەت شىعىنداردىڭ 50% وتەي الادى (3000-نان 10 000 اەك-تەن اسپايتىن). وتىنىمدەر مەن قوسا بەرىلەتىن قۇجاتتار جىل بويى QazIndustry پورتالىندا www.qazindustry.gov.kz («بيزنەستى ىنتالاندىرۋ» ءبولىمى) ونلاين تۇردە  قابىلدانادى. : وسى جىلدىڭ قاڭتار-شىلدە ايلارىندا QazIndustry وتاندىق كاسىپورىنداردىڭ 186 ملن تەڭگەدەن استام شىعىنىن وتەدى. مەملەكەتتىك ىنتالاندىرۋ شارالارىنىڭ ارقاسىندا ونداعان كاسىپورىن ءوز قىزمەتكەرلەرىنىڭ قۇزىرەتىن ارتتىرىپ، ءوندىرىس كولەمىن جانە ءونىم اسسورتيمەنتىن كەڭەيتىپ، ەكسپورتقا شىعۋدا.