Jetısu oblysynda memleket önerkäsıptı yntalandyru şaralaryn qoldana otyryp, käsıporyn şyǧyndarynyŋ bır bölıgın ötep bermek

Jetısu oblysynda memleket önerkäsıptı yntalandyru şaralaryn qoldana otyryp, şyǧyndardyŋ bır bölıgın ötep bermek. Olar otandyq önımdı ışkı naryqqa ılgerıletuge jäne eŋbek önımdılıgın arttyruǧa baǧyttalǧan. Al būl mümkındıktı paidalanu arqyly önerkäsıpter öz bäsekelestıgın arttyruǧa mümkındık beredı. Şyǧyndardy öteu arqyly käsıporyndar öz qyzmetkerlerınıŋ qūzyretın arttyra alady, tehnologiialyq prosesterdı jetıldırıp, sifrlyq tehnologiialardy engıze alady. Sondai-aq öz önımderı men qyzmetterın ışkı naryqqa şyǧara alady. Būl şaralar käsıporyndardyŋ bäsekege qabılettılıgın arttyruǧa jäne elışılık qūndylyqty arttyruǧa yqpal etedı. Şyǧyndardy «QazIndustry» qazaqstandyq industriia jäne eksport ortalyǧy» AQ öteidı. Bırınşı. Önerkäsıp oryndarynyŋ basşylary eŋbek önımdılıgın arttyruǧa baǧyttalǧan şyǧyndarynyŋ bır bölıgın öteu boiynşa ötınım bere alady. Atap aitqanda, būl - qyzmetkerlerdıŋ qūzyretın arttyruǧa, tehnologiialyq prosesterdı jetıldıruge, öndırıstı ūiymdastyrudyŋ tiımdılıgın arttyruǧa, sifrlyq tehnologiialardy engızuge jūmsalǧan şyǧyndar. Memleket şyǧyndardyŋ būl türlerı boiynşa 40 % öteidı (30-dan 60 mln teŋgege deiın). Ekınşı. Önerkäsıptık-innovasiialyq qyzmet subektılerı öz tauarlaryn, jūmystary men qyzmetterın ışkı naryqqa ılgerıletu boiynşa şyǧyndardy öteuge ötınım bere alady. Būl önımnıŋ sertifikattyq jäne zerthanalyq synaqtaryn, sonyŋ ışınde sertifikattardy tırkeu, synaq nätijelerın saraptaudy jürgızuge ketetın jäne aiaq kiım önımın taŋbalauǧa ketetın şyǧyn boluy mümkın. Būl jaǧdaida memleket şyǧyndardyŋ 50% ötei alady (3000-nan 10 000 AEK-ten aspaityn). Ötınımder men qosa berıletın qūjattar jyl boiy QazIndustry portalynda www.qazindustry.gov.kz («biznestı yntalandyru» bölımı) onlain türde  qabyldanady. : Osy jyldyŋ qaŋtar-şılde ailarynda QazIndustry otandyq käsıporyndardyŋ 186 mln teŋgeden astam şyǧynyn ötedı. Memlekettık yntalandyru şaralarynyŋ arqasynda ondaǧan käsıporyn öz qyzmetkerlerınıŋ qūzyretın arttyryp, öndırıs kölemın jäne önım assortimentın keŋeitıp, eksportqa şyǧuda.