قازاقستانداعى جاعىمسىز رەزونانسقا بايلانىستى «كامىزياكي» كۆن كومانداسىنىڭ كونتسەرتتەرى توقتاتىلدى، دەپ حابارلايدى "ادىرنا" پورتالىن. بۇل تۋرالى VI Project پروديۋسەرلىك ورتالىعى ايتتى.
«كامىزياكي كومانداسىنىڭ ارتىستەرىنىڭ سەنساتسيالىق ارەكەتتەرى تۋرالى قوعامدىق جاعىمسىز پىكىرلەردى ەسكەرە وتىرىپ، ۇيىمداستىرۋشىلار @vi_project_kz_ جانە @livent.kz كومانداسى كامىزياكي كومانداسىنىڭ قازاقستانداعى جەكە كونتسەرتتەرىنىڭ بۇكىل تۋرىن توقتاتۋ تۋرالى شەشىم قابىلدادى. بيلەتتەردى قايتارۋ ماسەلەسى بويىنشا ساتىپ العان بيلەت وپەراتورلارىنا حابارلاسۋلارىڭىزدى سۇرايمىز»، - دەلىنگەن بەيسەنبى كۇنى حابارلامادا.
ەسكە سالايىق، بۇعان دەيىن 5 قازاندا الماتىدا جانە
7 قازاندا استانادا وتەتىن «كامىزياكي» كونتسەرتتەرىن توقتاتۋ تۋرالى پەتيتسياعا قول جيناۋ باستالعان بولاتىن. پەتيتسيا اۆتورلارى كۆن كومانداسى رەسەيدىڭ ۋكرايناعا باسىپ كىرۋىن قولدادى، ال «كامىزياك» كومانداسىنىڭ كاپيتانى ازامات مۇساعاليەۆ قازاقستاندىق ازىلكەش نۇرلان سابۋروۆپەن بىرگە رەسەيلىك تنت ارناسىندا قازاق ءتىلىن كەلەمەجدەدى دەلىنگەن بولاتىن.
13 قىركۇيەكتە Kino.kz جانە Ticketon سايتتارىندا كامىزياكي كومانداسىنىڭ كونتسەرتىنە بيلەتتەردى ونلاين ساتىپ الۋ مۇمكىن ەمەس ەكەنى بەلگىلى بولدى.
ۇقساس جاڭالىقتار
"ادىرنا" ۇلتتىق پورتالى
