اۋدان جانە قالا اكىمى سايلاۋى قاي كۇنى وتەتىنى بەلگىلى بولدى

ورتالىق سايلاۋ كوميسسياسىنىڭ توراعاسى نۇرلان ءابدىروۆ رەسپۋبليكالىق ماڭىزى بار قالا جانە اۋدان اكىمدەرىنىڭ سايلاۋى 5 قاراشادا وتەتىنىن مالىمدەدى، - دەپ حابارلايدى adyrna.kz ۇلتتىق پورتالى. بۇگىن ورتالىق سايلاۋ كوميسسياسىندا رەسپۋبليكالىق ماڭىزى بار قالا جانە اۋدان اكىمدەرىنىڭ سايلاۋىنا بايلانىستى جيىن ءوتتى. جيىندا 42 اۋدان جانە 3 قالا اكىمىنىڭ سايلاۋى وتەتىنى حابارلاندى. اباي: كرۋچاتوۆ ق.، اباي اۋدانى اقمولا: اقكول، استراحان، ەسىل، جاقسى، شورتاندى اۋداندارى اقتوبە: ىرعىز، قوبدا، ويىل اۋداندارى الماتى: بالقاش، جامبىل اۋداندارى اتىراۋ: يساتاي، قىزىلقوعا اۋداندارى شقو: التاي، گلۋبوكوە اۋداندارى جامبىل: جۋالى، ت.رىسقۇلوۆ اۋداندارى جەتىسۋ: كەربۇلاق، سارقان اۋداندارى بقو: بوكەي ورداسى، قاراتوبە، تاسقالا اۋداندارى قارعاندى: پريوزەرسك ق.، اقتوعاي، وساكاروۆ اۋداندارى قوستاناي: رۋدنىي ق.، التىنسارين، دەنيسوۆ، قارابالىق، فەدەروۆ اۋداندارى قىزىلوردا: سىرداريا، شيەلى اۋداندارى ماڭعىستاۋ: بەينەۋ اۋداندارى پاۆلودار: اقتوعاي، جەلەزين، شارباقتى اۋداندارى سقو: ەسىل، مامليۋت، تيميريازەۆ اۋداندارى تۇركىستان: بايدىبەك، ماقتاارال، سوزاق، شاردارا اۋداندارى ۇلىتاۋ: ۇلىتاۋ اۋدانى مەملەكەت باسشىسى قاسىم-جومارت توقاەۆ جولداۋدا بيىل رەسپۋبليكالىق ماڭىزى بار قالا جانە اۋدان اكىمدەرىنىڭ سايلاۋى پيلوتتىق تۇردە وتەتىنى مالىمدەگەن بولاتىن. ال 2025 جىلدان باستاپ تۇراقتى تۇردە اكىم سايلاۋى وتەدى.