الماتى وبلىسىندا ەڭبەك كۇنىنە وراي، سالتاناتتى شارا ۇيىمداستىرىلدى.
شاراعا وبلىس اكىمىنىڭ ورىنباسارى نۇرلان ءابدىراحىم قاتىسىپ، حالىقتى مەرەكەمەن قۇتتىقتادى.
«پرەزيدەنتىمىز قاسىم-جومارت توقاەۆ قازاقستان حالقىنا جولداۋىندا «ەلىمىزدە ەڭبەكقور ادام، كاسىبي مامان ەڭ سىيلى ادام بولۋعا ءتيىس. وسىنداي ازاماتتار مەملەكەتىمىزدى دامىتادى. ءبىز قاراپايىم ەڭبەك ادامىنا قۇرمەت كورسەتۋىمىز كەرەك»، - دەسە، ۇلتتىق قۇرىلتايدا «ادال ەڭبەك ەتىپ، ادال تابىس تاپقان ادام جەتىستىككە جەتەدى، قۇرمەتكە يە بولادى»، - دەپ، «ادال ەڭبەك. ادال ازامات» تۇجىرىمداماسىن ىلگەرىلەتۋدە. زاماندار توعىسىپ، اقپاراتتىق الاڭ كەڭەيگەن تۇستاقوعامدىق سانادا، وسكەلەڭ ۇرپاق بويىندا ەڭبەك كۋلتىن ورنىقتىرۋ ماڭىزدى. بۇگىنگى سالتاناتتى شارا وسى ماقساتتا ۇيىمداستىرىلىپ وتىر»، - دەدى اكىمنىڭ ورىنباسارى.
سونداي-اق ول جاستاردى جۇمىسپەن قامتۋ، قولداۋ ءۇشىن وبلىستا قولعا الىنعان شارالار جونىندە ايتتى.
«جاستاردىڭ بويىندا ەڭبەك داعدىلارىن قالىپتاستىرۋ، تاجىريبە جيناقتاۋىنا مۇمكىندىك جاساۋ ماقساتىندا «العاشقى جۇمىس ورنى»، «جاستار تاجىريبەسى»، «ۇرپاقتار كەلىسىم-شارتى» جوبالارى جۇزەگە اسىرىلىپ جاتىر. بۇگىنگى تاڭدا ءوڭىردىڭ 331 جاس ازاماتتارى 2,5%-دىق شاعىن نەسيە الدى. جىل سوڭىنا دەيىن بۇل سان 375-كە جەتەدى دەپ جوسپارلانعان»، - دەدى نۇرلان ءابدىراحىم.
سودان كەيىن وبلىس اكىمىنىڭ ورىنباسارى رەسپۋبليكالىق «ەڭبەك جولى» كونكۋرسىنىڭ وڭىرلىك جەڭىمپازدارىن ماراپاتتادى:
• «ۇزدىك ەڭبەك اۋلەتى» نوميناتسياسى – انتونينا مىقتىباەۆا (ارنا ورتا مەكتەبى ديرەكتورىنىڭ ورىنباسارى، مۇعالىمدەر اۋلەتىنەن شىققان);
• «ءوندىرىستىڭ ۇزدىك جاس مامانى» نوميناتسياسى - ايجان جۋنۋسوۆا («فيليپ مورريس كازاحستان» جشس وقىتۋ ءوندىرىسىنىڭ جانە پروتسەسس بويىنشا ينجەنەرلەر توبىنىڭ جەتەكشىسى);
• «جۇمىس ىستەيتىن جاستاردىڭ ۇزدىك تالىمگەرى» نوميناتسياسى - دۋمان ساليماحۋنوۆ («ۋ.قانتاەۆ اتىنداعى مويناق گەس-تە» ستانتسيا اۋىسىم باستىعى).
شارا سوڭى كونتسەرتتىك باعدارلاماعا ۇلاستى.
@+7 702 117 2236 ەست
