"قايدا ەكەنى بەلگىسىز". باس پروكۋراتۋرا نازارباەۆاعا قاتىستى تۇسىنىكتەمە بەردى

باس پروكۋروردىڭ ورىنباسارى اسەت شىنداليەۆ ءاليا نازارباەۆانىڭ قىلمىستىق جاۋاپكەرشىلىككە تارتىلۋى تۋرالى سۇراققا جاۋاپ بەردى، - دەپ حابارلايدى "ادىرنا" ءتىلشىسى. شىنداليەۆتىڭ ايتۋىنشا، ول نازارباەۆاعا قاتىستى باس پروكۋراتۋراعا ەشقانداي ارىز-شاعىمنىڭ تۇسپەگەنىن ايتتى. «مەن سىزگە ايتتىم: ەگەر قىلمىس قۇرامىنا قاتىستى قانداي دا ءبىر اقپارات بولسا، قىلمىستىق قۋدالاۋ تۋرالى شەشىمدى قىلمىستىق قۋدالاۋدى جۇزەگە اسىراتىن ءتيىستى مەملەكەتتىك ورگاندار شىعارۋى كەرەك، بىزدە مۇنداي بىرنەشە ورگاندار بار: انتيكور بار، ەكونوميكالىق تەرگەۋ قىزمەتى، ىشكى ىستەر مينيسترلىگى. ەگەر اقپارات كەلىپ، قانداي دا ءبىر دالەلدەر بولسا، ولار شەشىم قابىلداۋى كەرەك. ازىرگە مەندە ونداي اقپارات جوق. ونىڭ قايدا ەكەنى دە بەلگىسىز»، - دەدى باس پروكۋروردىڭ ورىنباسارى ءماجىلىس الاڭىندا. ەسكە سالايىق، بۇعان دەيىن ءماجىلىس دەپۋتاتى ەرلان سايروۆ اتىراۋدا وتكەن «امانات» پارتياسى جانىنداعى سىبايلاس جەمقورلىققا قارسى ءىس-قيمىل رەسپۋبليكالىق كەڭەسىنىڭ كوشپەلى وتىرىسىندا كۋاگەرلەر روپ وپەراتورىنىڭ سوڭعى بەنەفيتسيارى رەتىندە ءاليا نازارباەۆانى كورسەتكەنىن مالىمدەگەن بولاتىن.