وعان ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا مۇشەلەرى، قالالىق ءماسليحات دەپۋتاتتارى جانە كوپبالالى وتباسىلار قاتىستى.
«مۇنداي اكتسيانىڭ ماقساتى – وتباسىلاردى قوعامدىق ىسكە ارالاستىرۋ، بالالاردى ەڭبەككە باۋلۋ، تابيعاتتى قۇرمەتتەۋ، جاۋاپكەرشىلىكتى سەزىنۋ. قازىرگى ەككەن تال-شىبىق، ەرتەڭ جاپىراعى جايقالعان اعاش، ودان ءارى كورىكتى ورمان بولاتىنى بەلگىلى. وسىدان بىرنەشە جىل وتكەن سوڭ بۇل اعاشتاردىڭ ساياسىن نەمەرە-شوبەرەلەرىمىز كورەتىن بولادى. تازا ەكولوگيا، تازا قالا مۇنىڭ بارلىعى – جارقىن بولاشاعىمىز ۇشىن. دانا قازاق «اتادان مال قالعانشا، تال قالسىن»، دەپ اعاشتىڭ ادامزاتقا بەرەر پايداسىن ەرەكشە اتاپ وتكەن»، – دەدى استانا قالاسى اكىمدىگى جانىنداعى ايەلدەر ىستەرى جانە وتباسىلىق-دەموگرافيالىق كوميسسياسىنىڭ حاتشىسى قارلىعاش ساركەنوۆا.
يگى ىسكە قاتىسۋشىلار ءبىر مەزەتتە 70-كە جۋىق اعاش وتىرعىزدى. جەر ءبولىپ، اعاش وتىرعىزۋعا سارىارقا اۋدانىنىڭ اكىمدىگى قولداۋ كورسەتتى.
ءىس-شارانىڭ باستى ماقساتى – ومىرلىك قيىن جاعدايعا تاپ بولعان وتباسىلارداعى بالالاردى ەكولوگيالىق تاربيە ءسىڭىرۋ. سول ارقىلى اتا-انا مەن بالا اراسىنداعى قارىم-قاتىناستى جاقسارتۋ، ورتاق ىستە وتباسىنىڭ بىرلىگىن ارتتىرۋ. سونىمەن قاتار بالالاردى ەڭبەككە باۋلۋ جانە دە قورشاعان ورتا مەن تابيعاتتى ايالاۋ ءار ادامنىڭ جاۋاپكەرشىلىگى ەكەنىن سەزىندىرۋ.
