قىسقامەتراجدى فيلمدەر بايقاۋىنىڭ ماراپاتتاۋ ءراسىمى ءوتتى

الماتى قالاسى جاستار ساياساتى باسقارماسىنىڭ قولداۋىمەن قازاق ۇلتتىق قىزدار پەداگوگيكالىق ۋنيۆەرسيتەتىندە قازان ايىنىڭ ون ۇشىندە «قىسقامەتراجدى فيلمدەر بايقاۋىنىڭ» ماراپاتتاۋ ءراسىمى ءوتتى. فيلم تاقىرىبى - «ينتەرنەتكە تاۋەلدىلىك»، «كيبەربۋللينگ»، لۋدومانيا، «ينتەرنەت جەلىسىنىڭ بالالار مەن جاسوسپىرىمدەر اراسىنداعى سۋيتسيدكە اسەرى» تاقىرىپتارىنا نەگىزدەلگەن. قىسقامەتراجدى فيلمدەر بايقاۋى الەۋمەتتىك جەلىدە 27 شىلدەدە جاريالانىپ، قىركۇيەكتىڭ 27 كۇنى مارەسىنە جەتتى. الماتى قالاسى بويىنشا 20 قاتىسۋشى سمارتفونمەن تۇسىرىلگەن فيلمدەردى ۇسىندى. بايقاۋعا 14-35 جاسارالىعىنداعى جاستار مەن جاسوسپىرىمدەر بەلسەنە قاتىستى. قىسقامەتراجدى فيلمدەر بايقاۋىنىڭ ماراپاتتاۋ ءراسىمى 13 قازان كۇنى قازاق ۇلتتىق قىزدار پەداگوگيكالىق ۋنيۆەرسيتەتىندە ۇيىمداستىرىلدى. جوبا اياسىندا 20 ۆيدەو قابىلداندى. زالدا 120-دان استام ستۋدەنت جاستار كورەرمەن بولىپ وتىردى. ادىلقازىلاردىڭ شەشىمىمەن ىشىنەن 4 قىسقامەتراجدى فيلم ۇزدىك دەپ تانىلدى. ناقتىلاپ ايتساق، جاندوس باقتىعاليەۆ -1 ورىن، ەرعانات بالتاباي - 2 ورىن، ەسىل ايداربەك – 3 ورىن، قىرعىزباي اقجول – ىنتالاندىرۋ سىيلىعىن يەلەندى.