28 قازاننان باستاپ مارشرۋتتىق جەلىگە قىزمەت كورسەتۋ ساپاسىن جاقسارتۋ ماقساتىندا، سونداي-اق جاڭا اۆتوبۋستاردى ساتىپ الۋ اياسىندا ەلوردادا №27 جاڭا مارشرۋت ىسكە قوسىلادى. بۇل تۋرالى استانا اكىمدىگى جازدى، دەپ حابارلايدى «ادىرنا» ۇلتتىق پورتالى.
جاڭا باعىت "ماتەريالدىق-تەحنيكالىق قامتاماسىز ەتۋ باسقارماسى" - "باعىستان" تۇرعىن ءۇي كەشەنى" قاتىناسىمەن جۇرەتىن بولادى.
باعدار "قورعالجىن كۆارتالى" تك، ە-128, ايتەكە بي جانە انەت بابا، ق. مۇحامەدحانوۆ كوشەسىنە كولىكتىك قىزمەت كورسەتۋدى جاقسارتادى. سىعاناق كوشەسىمەن جۇرەتىن جانە "شىعىس" تك، "Sat City" تك تۇرعىن ءۇي كەشەندەرىنە قىزمەت كورسەتۋدى جۇزەگە اسىراتىن № 29, 29ا، 49, 61 باعدارلارىنىڭ جۇكتەمەسىن ازايتۋعا ىقپال ەتەدى.
بۇدان باسقا، ورىنبور، تۇركىستان، ف. وڭعارسىنوۆا، ە-117 كوشەلەرى، بوتانيكالىق باق، ۇلى دالا داڭعىلى، "ۆەنسكي كۆارتال", "Besterek", "Jetisu.Aqsu" جانە "باعىستان" تۇرعىن ءۇي كەشەندەرىنە كولىكتىك قىزمەت كورسەتۋدى جاقسارتۋعا مۇمكىندىك بەرەدى.
«ادىرنا» ۇلتتىق پورتالى