الماتىنىڭ سىرتقى ساۋدا اينالىمى 34,6 پايىزعا ءوستى

بيىلعى جىلى الماتى قالاسىندا الەۋمەتتىك-ەكونوميكالىق دامۋ كورسەتكىشتەرىنىڭ ءوسۋ قارقىنى جوعارى. ەكونوميكانىڭ نەگىزگى سەرپىنىن سيپاتتايتىن ونەركاسىپ، ساۋدا، كولىك جانە قويمالاۋ، اقپارات جانە بايلانىس قىزمەتتەرى، قۇرىلىس، اۋىل شارۋاشىلىعى سىندى التى سالانىڭ قىسقا مەرزىمدى ەكونوميكالىق ينديكاتور 115,2%-عا جەتىپ جىعىلدى. ونەركاسىپ ءونىمىن ءوندىرۋ كولەمى 21,7% وسىممەن 1 303,8 ملرد. تەڭگەگە دەيىن ۇلعايدى، بۇل ەلدەگى ەڭ جوعارى ءوسۋ قارقىنى رەتىندە سانالادى. بۇل رەتتە وڭدەۋ ونەركاسىبى 20,2% - عا 1 117,6 ملرد. تەڭگەگە دەيىن وسكەنىن اتاپ وتكەن ابزال. قۇرىلىس سالاسىندا دا دامۋ قارقىنى جوعارى، مۇنداعى ساندار وتكەن جىلدىڭ ساكەس كەزەڭىمەن سالىستىرعاندا  3,8% - عا وسىپ، ورىندالعان قۇرىلىس جۇمىستارىنىڭ كولەمى 322,3 ملرد.تەڭگەنى قۇراعان. ەستەرىڭىزگە سالامىز، 2023 جىلعى قاڭتار-تامىزدا وتكەن جىلدىڭ وسى كەزەڭىمەن سالىستىرعاندا 22,5% وسىممەن 1 486,4 مىڭ شارشى مەتر تۇرعىن ءۇي پايدالانۋعا بەرىلدى. بولشەك تاۋار اينالىمىنىڭ كولەمى وتكەن جىلدىڭ سايكەس كەزەڭىمەن سالىستىرعاندا 6,2% - عا ۇلعايىپ، 3 525,8 ملرد. تەڭگەنى قۇرادى. كوتەرمە ساۋدا اينالىمى 20,3%-دىق  وسىممەن 9 455,6 ملرد. تەڭگەنى قۇرادى. كولىك جانە قويما قىزمەتتەرى 16,5% – عا، اقپارات پەن بايلانىس 3,3% - عا ۇلعايعان. بيىل قاڭتار – تامىز ايلارىندا  قالا ەكونوميكاسىنا نەگىزگى كاپيتالعا 876,9 ملرد. تەڭگە ينۆەستيتسيا تارتىلدى. بۇل رەتتە جەكە ينۆەستيتسيالار 2022 جىلعى وسى كەزەڭمەن سالىستىرعاندا 4,8% - عا ارتتى. اعىمداعى جىلدىڭ تامىز ايىندا ىسكەرلىك بەلسەندىلىك يندەكسى 55,2% - دى قۇراپ، الماتى قالاسى  رەسپۋبليكا بويىنشا كوشباسشى اتاندى. سىرتقى ساۋدا اينالىمىندا دا ىلگەرلەۋ بار.  مۇنداعى ءوسىم 34,6% -عا جەتىپ، پايدا  $1 14 369,4 ملن قۇرادى. بۇل رەتتە ەكسپورت 23,8% - عا ۇلعايىپ،  تابىس $2 605,2 ملن جەتتى.