الماتى قالاسىنىڭ رەسپۋبليكا بويىنشا ينۆەستيتسيا تارتۋداعى ۇلەسى - 12,2 پايىز

1523
Adyrna.kz Telegram
https://adyrna.kz/content/uploads/2023/11/zarabotok-finansy.jpg
ۇلتتىق ەكونوميكا مينيسترلىگى مەملەكەتتىك ورگاندارمەن بىرلەسىپ ازىرلەنگەن «قازاقستاندىقتاردىڭ ءال-اۋقاتىن ارتتىرۋعا باعىتتالعان تۇراقتى ەكونوميكالىق ءوسۋ» ۇلتتىق جوباسىندا كوزدەلگەن نەگىزگى باعىتتىڭ ءبىرى - ينۆەستيتسيالاردى ارتتىرۋ. ۇكىمەت پارمەنىنە ءمان بەرگەن الماتى قالالىق اكىمدىگىندە جوبا شەڭبەرىندە نەگىزدەلگەن باسىم باعىتتار رەت-رەتىمەن ورىندالۋ ۇستىندە. قازىرگى تاڭدا الماتى قالاسىنىڭ رەسپۋبليكا بويىنشا ينۆەستيتسيا تارتاۋداعى ۇلەسى -12,2 پايىز. قالالىق كاسىپكەرلىك جانە ينۆەستيتسيالار باسقارماسىنىڭ دەرەگىنشە، 2023 جىلدىڭ 8 ايىندا الماتى قالاسى بويىنشا نەگىزگى كاپيتالعا 876,9 ملرد تەڭگە ينۆەستيتسيا تارتىلعان. «پايدالانۋ باعىتتارى بويىنشا نەگىزگى سالىمدار جىلجىمايتىن مۇلىكپەن جاسالعان وپەراتسيادا بولعان، ولاردىڭ ۇلەسى 46,5%. دەنساۋلىق ساقتاۋ – 4,1 ەسە، اقپارات پەن بايلانىس – 36,3%-عا، تۇرۋ جانە تاماقتانۋ قىزمەتى – 25,9%-عا ءوستى»، - دەپ حابارلايدى قالالىق كاسىپكەرلىك جانە ينۆەستيتسيالار باسقارماسى. المالى، الاتاۋ، اۋەزوۆ جانە جەتىسۋ اۋداندارى بويىنشا وڭ ديناميكا بايقالىپ وتىر. 2023 جىلدىڭ قورىتىندىسى بويىنشا نەگىزگى كاپيتالعا ينۆەستيتسيالار 1,5 ترلن تەڭگەگە دەيىن ارتادى. سونداي-اق، شاھاردا ىسكەرلىك بەلسەندىلىكتە وتە جوعارى. قالا ەكونوميكاسى باسقارماسىنىڭ مالىمەتىنشە، اتالعان كورسەتكىش بويىنشا الماتى قالاسى ەلىمىزدە كوش باستاپ تۇر. 2023 جىلدىڭ تامىزىندا ىسكەرلىك بەلسەندىلىك يندەكسى 55,2% بولدى. جالپى بەلسەندى جۇمىس ىستەيتىن شاعىن جانە ورتا كاسىپكەرلىك سۋبەكتىلەرىنىڭ سانى 15,5%-عا ءوستى. رەسمي دەرەكتەرگە سۇيەنسەك، قالادا شاعىن جانە ورتا كاسىپكەرلىك سۋبەكتىلەرىندە جۇمىسپەن قامتىلعاندار سانى بيىل 1 توقسانىندا 21%-عا، ياعني 871,9 مىڭ ادامعا دەيىن ۇلعادى. «شاعىن جانە ورتا كاسىپكەرلىك سۋبەكتىلەرى وسى جىلدىڭ 1 توقسانىندا 14,1% وسىممەن ءونىم شىعاردى، بۇل 3 884,7 ملرد تەڭگە. جەتىسۋ اۋدانىندا ءونىم شىعارۋ 6,3% تومەندەگەن، ال بارلىق باسقا اۋداندا ءوسىم بايقالادى»، - دەپ حابارلادى كاسىپكەرلىك جانە ينۆەستيتسيالار باسقارماسى. شاعىن بيزنەس قىزمەتىن جانداندىرۋ ءۇشىن Almaty Business اياسىندا باسىم سالالاردى قولداۋدىڭ جاڭا قۇرالدارى ازىرلەندى. 2023 جىلى شوب-تىڭ ءجوو-گە سالىمىن 60%-عا دەيىن ارتادى دەپ بولجانىپ وتىر. بىلتىر بۇل كورسەتكىش 57,8% بولدى، دەپ قورىتىندىلادى قالالىق اكىمدىك وكىلى.    
پىكىرلەر