Almaty qalasynyŋ respublika boiynşa investisiia tartudaǧy ülesı - 12,2 paiyz

Ūlttyq ekonomika ministrlıgı memlekettık organdarmen bırlesıp äzırlengen «Qazaqstandyqtardyŋ äl-auqatyn arttyruǧa baǧyttalǧan tūraqty ekonomikalyq ösu» ūlttyq jobasynda közdelgen negızgı baǧyttyŋ bırı - investisiialardy arttyru. Ükımet pärmenıne män bergen Almaty qalalyq äkımdıgınde joba şeŋberınde negızdelgen basym baǧyttar ret-retımen oryndalu üstınde. Qazırgı taŋda Almaty qalasynyŋ respublika boiynşa investisiia tartaudaǧy ülesı -12,2 paiyz. Qalalyq käsıpkerlık jäne investisiialar basqarmasynyŋ deregınşe, 2023 jyldyŋ 8 aiynda Almaty qalasy boiynşa negızgı kapitalǧa 876,9 mlrd teŋge investisiia tartylǧan. «Paidalanu baǧyttary boiynşa negızgı salymdar jyljymaityn mülıkpen jasalǧan operasiiada bolǧan, olardyŋ ülesı 46,5%. Densaulyq saqtau – 4,1 ese, aqparat pen bailanys – 36,3%-ǧa, tūru jäne tamaqtanu qyzmetı – 25,9%-ǧa östı», - dep habarlaidy qalalyq käsıpkerlık jäne investisiialar basqarmasy. Almaly, Alatau, Äuezov jäne Jetısu audandary boiynşa oŋ dinamika baiqalyp otyr. 2023 jyldyŋ qorytyndysy boiynşa negızgı kapitalǧa investisiialar 1,5 trln teŋgege deiın artady. Sondai-aq, şaharda ıskerlık belsendılıkte öte joǧary. Qala ekonomikasy basqarmasynyŋ mälımetınşe, atalǧan körsetkış boiynşa Almaty qalasy elımızde köş bastap tūr. 2023 jyldyŋ tamyzynda ıskerlık belsendılık indeksı 55,2% boldy. Jalpy belsendı jūmys ısteitın şaǧyn jäne orta käsıpkerlık subektılerınıŋ sany 15,5%-ǧa östı. Resmi derekterge süiensek, qalada şaǧyn jäne orta käsıpkerlık subektılerınde jūmyspen qamtylǧandar sany biyl 1 toqsanynda 21%-ǧa, iaǧni 871,9 myŋ adamǧa deiın ūlǧady. «Şaǧyn jäne orta käsıpkerlık subektılerı osy jyldyŋ 1 toqsanynda 14,1% ösımmen önım şyǧardy, būl 3 884,7 mlrd teŋge. Jetısu audanynda önım şyǧaru 6,3% tömendegen, al barlyq basqa audanda ösım baiqalady», - dep habarlady käsıpkerlık jäne investisiialar basqarmasy. Şaǧyn biznes qyzmetın jandandyru üşın Almaty Business aiasynda basym salalardy qoldaudyŋ jaŋa qūraldary äzırlendı. 2023 jyly ŞOB-tyŋ JÖÖ-ge salymyn 60%-ǧa deiın artady dep boljanyp otyr. Byltyr būl körsetkış 57,8% boldy, dep qorytyndylady qalalyq äkımdık ökılı.