Qazaqstandaǧy halyqaralyq jolauşylar aǧynynyŋ jartysynan astamyn qamtamasyz etetın Almaty halyqaralyq äuejaiy jaŋǧyrtylyp jatyr. Būl turaly Almaty qalasy äkımınıŋ orynbasary Oljas Smaǧūlov Öŋırlık kommunikasiialar qyzmetınıŋ alaŋynda ötken baspasöz konferensiiasy barysynda mälımdedı.
Qala äkımı Darhan Satybaldynyŋ tapsyrmasyna säikes, qala äkımdıgınıŋ qoldauymen jüzege asyrylyp jatqan joba būl öŋırdegı eŋ ırı infraqūrylymdyq özgerısterdıŋ bırı bolmaq.
«Almaty halyqaralyq äuejaiyna qatysty bızde ülken jospar bar, ony Euraziia keŋıstıgındegı basty aviasiialyq habqa ainaldyrǧymyz keledı. 2029 jylǧa deiın jeke investisiialar esebınen äuejaiǧa 360 million AQŞ dollarynan astam qarjy salynady. Işkı terminaldar jaŋǧyrtylady, osy zamanǧy qonaqüi, köpdeŋgeilı avtotūraq salynyp, ūşu-qonu jolaǧy da jöndeuden ötedı», – dedı Smaǧūlov.
2050 jylǧa deiıngı Horizon baǧdarlamasy aiasynda jüzege asyp jatqan äuejaidyŋ damu barysy bes kezeŋnen tūrady. Bırınşı kezeŋı 2025 jyly bastalǧan, ol 130 jobany qamtidy.
Būdan bölek, ruldık jolaq pen tehnikalyq qyzmet körsetu angaryn salu josparlanyp otyr.
Jaŋǧyrtu nätijesınde äuejai Europa men Aziiany bailanystyratyn aviasiialyq habqa ainalyp, jylyna 40 million jolauşyny qabyldai alatyn bolady. Jobanyŋ qūrylys kezeŋınde 1800-den astam jūmys orny jäne tūraqty qyzmet etu kezeŋınde 550 tūraqty jūmys orny aşylmaq.
