Almatyda jastarǧa arnalǧan komiuniti-ortalyqtardyŋ jūmysyn jaŋǧyrtu josparlanyp otyr.
2027 jyldan bastap olardy bıryŋǧai qalalyq jelıge bırıktıru ūsynyldy. Būl bastama qyzmet körsetu sapasyn arttyruǧa, ortalyqtardyŋ jūmysyn tiımdı üilestıruge jäne biudjet şyǧyndaryn qysqartuǧa baǧyttalǧan. Būl turaly Almaty qalasy Jastar saiasaty basqarmasynyŋ ökılderı habarlady.
Qazır qalada 13 komiuniti-ortalyq jūmys ısteidı. Mūnda jastar jūmys ızdeu boiynşa tegın kömek alyp, bılım beru mäselesı jönınde keŋes ala alady. Sondai-aq psihologiialyq jäne qūqyqtyq qoldau körsetıledı. Būdan bölek, ortalyqtarda oqytu sabaqtary, mädeni jäne sporttyq ıs-şaralar ūiymdastyrylady.
2026 jyly toǧyz aida ortalyqtarǧa 510 myŋ ret kelu tırkelgen. Osy kezeŋde 2 200 ıs-şara ötkızılıp, 10,6 myŋ jeke keŋes berılgen. Onyŋ 7,4 myŋy jūmysqa ornalasuǧa, taǧy 2,6 myŋy psihologiialyq jäne qūqyqtyq mäselege qatysty bolǧan.
Keŋes beru qyzmetterınen bölek, keluşılerge kovorking keŋıstıkterı, kıtaphana resurstary men kezdesuler ötkızuge arnalǧan alaŋdar bar. Äsırese, eş jerde jūmys ıstemeitın, bılım almaityn jäne käsıbi daiarlyqtan ötpeitın NEET sanatyndaǧy jastardy qoldauǧa basymdyq berılgen. Mamandar olarǧa mamandyq taŋdauǧa, jaŋa daǧdylardy igeruge jäne eŋbek naryǧynan öz ornyn tabuǧa kömektesedı.
Ortalyqtarda jastar men erıktılık qauymdastyqtar da jūmys ıstep, türlı jobalar jüzege asyrylady. Atap aitqanda, Youth Nomads ūlttyq sport türlerı festivalıne myŋ adam qatyssa, Jas Camp baǧdarlamasy aiasynda 100 jas on jobalyq komandaǧa bırıktı.
Josparlanǧan özgerısterge säikes, ortalyqtarda ortaq basqaru jüiesı engızılıp, azamattardyŋ ötınışterı elektrondy formatta tırkelmek. Sonymen bırge är ortalyqtyŋ jūmys nätijesın baǧalau tetıgı qalyptastyrylady.
Jastarǧa körsetıletın qyzmetterdıŋ qoljetımdılıgın arttyru üşın köşpelı keŋes beru jūmystary da qolǧa alynbaq. Mamandar bazarlar men halyq köp şoǧyrlanatyn oryndarǧa baryp, bos jūmys oryndary, oqu kurstary jäne käsıbi damu mümkındıkterı turaly aqparat beredı.
Basqarmanyŋ esepteuınşe, on komiuniti ortalyqty bırıktıru jyl saiyn şamamen 100 mln teŋge biudjet qarajatyn ünemdeuge mümkındık beredı.
Būl qarjynyŋ bır bölıgın jastarǧa arnalǧan jaŋa bastamalarǧa jūmsau ūsynylyp otyr. Bostandyq audanyndaǧy komiuniti ortalyq bazasynda OI LAB taldau ortalyǧyn aşu josparlanǧan. Ol jastardyŋ qajettılıkterın, qyzyǧuşylyqtary men mäselesın zerttep, qalalyq baǧdarlamalarǧa qatysty ūsynystar äzırleumen ainalysady.
Basqarmanyŋ esepteuınşe, on komiuniti-ortalyqty bırıktıru jyl saiyn şamamen 100 mln teŋge biudjet qarajatyn ünemdeuge mümkındık beredı. Būl qarjynyŋ bır bölıgın jastarǧa arnalǧan jaŋa bastamalarǧa jūmsau ūsynylyp otyr.
Basqarmanyŋ mälımetınşe, komiuniti ortalyqtardy bırıktıru jäne jaŋa jobalardy ıske qosu bastamalary äzırge talqylanyp jatyr. Tüpkılıktı şeşım älı qabyldanǧan joq.
