Megapoliste «Almaty Superski» jobasyna arnalǧan qoǧamdyq tyŋdau öttı. Is-şara barysynda turizm salasyn damytu, Almaty tau klasterınıŋ äleuetı jäne halyqaralyq deŋgeidegı tau turizmı ortalyǧyn qalyptastyru mäselelerı talqylandy.
Basqarma töraǧasy Talǧat Ǧazizov öz sözınde Qazaqstandaǧy turizm salasynyŋ keiıngı jyldary tūraqty ösım körsetıp otyrǧanyn atap öttı. Onyŋ aituynşa, ötken jyly el ışınde qonaqüilerge ornalasqan turister sany 8,6 million adamǧa jetken. Sonymen qatar, elımızdegı ornalastyru nysandarynyŋ sany artyp, turistık infraqūrylym keŋeiıp keledı.
Spiker Almatynyŋ Qazaqstandaǧy negızgı turistık jäne halyqaralyq äue haby retındegı maŋyzyna erekşe toqtaldy. 2025 jyldyŋ qorytyndysy boiynşa qaladaǧy qonaqüiler men ornalastyru oryndary şamamen 2,5 million turistke qyzmet körsetken. Onyŋ ışınde 1,7 million adam – ışkı turister bolsa, 754 myŋnan astamy – şeteldık qonaqtar.
Bügınde Almaty halyqaralyq naryqtaǧy pozisiiasyn nyǧaityp keledı. Qala Ortalyq Aziiadaǧy äue qatynasy eŋ damyǧan megapolis sanalady ärı Bloomberg pen CNN nūsqasy boiynşa älemdegı üzdık 25 turistık baǧyttyŋ qataryna engen.
Keiıngı jyldary Almatyǧa keletın turisterdıŋ demalys ūzaqtyǧy da artqan. Şeteldık qonaqtardyŋ şyǧyny 40 paiyzǧa köbeiıp, tabiǧi, tau jäne mädeni turizmge qyzyǧuşylyq joǧarylaǧan. Turisterdıŋ basym bölıgı qalaǧa demalys pen belsendı saiahat maqsatynda keledı.
Jiynda Almaty tau klasterınıŋ Qazaqstan turizmındegı strategiialyq maŋyzy erekşe aityldy. Bügınde klasterge jyl saiyn şamamen 3 million turist keledı. Onyŋ ışınde 2,2 milliony – otandyq, al 764 myŋy – şeteldık turister. Klaster aiasynda körsetıletın qyzmet kölemı 199 milliard teŋgege jetken.
Tau klasterınıŋ negızgı nysandarynyŋ bırı – Shymbulak Mountain Resort. Byltyr kurortqa keluşıler sany 1,4 millionǧa jetken. Mamandardyŋ aituynşa, halyqaralyq turisterdıŋ Almatyǧa degen qyzyǧuşylyǧynyŋ 80 paiyzy tabiǧatpen, taumen jäne belsendı demalyspen bailanysty.
Sondai-aq sarapşylar Qytai men Resei naryǧyn tau şaŋǧysy turizmın damytudaǧy negızgı baǧyttardyŋ bırı retınde atap öttı. Qytaida 12,8 millionnan astam şaŋǧyşy bar bolsa, Reseide būl körsetkış 3,6 million adamǧa jetedı. Osy naryqtyŋ az ǧana bölıgın tartudyŋ özı Qazaqstanǧa keletın turister sanyn aitarlyqtai arttyra alady.
Joba aiasynda halyqaralyq sporttyq jarystar, mädeni festivalder, konsertter men ıskerlık forumdar ötkızu mümkındıgı de qarastyrylyp otyr. Būl Almatyny Ortalyq Aziiadaǧy tau jäne ıskerlık turizm ortalyǧyna ainaldyruǧa jol aşpaq.
Qoǧamdyq tyŋdauda Ortalyq Aziia men Kavkaz elderındegı bäsekelestıkke de nazar audaryldy. Qyrǧyzstandaǧy «Üş şyŋ», Özbekstandaǧy Amirsoy, Äzerbaijandaǧy Shahdag jäne Gruziiadaǧy Gudauri sekıldı ırı tau kurorttary bügınde qarqyndy damyp keledı. Osyǧan bailanysty Almaty tau klasterın damytu Qazaqstannyŋ aimaqtaǧy turistık köşbasşylyǧyn saqtauda maŋyzdy qadam retınde baǧalanyp otyr.
Spikerdıŋ aituynşa, älemdık täjıribede tau şaŋǧysy infraqūrylymyna salynǧan ärbır dollar qosymşa investisiia tartuǧa mümkındık beredı ärı myŋdaǧan jaŋa jūmys ornyn aşady. Turisterdıŋ şyǧyny da basqa demalys türlerımen salystyrǧanda äldeqaida joǧary.
Aita keteiık, byltyr jeltoqsanda Ükımet Almaty tau klasterın 2025–2029 jyldary damytuǧa arnalǧan keşendı jospardy bekıttı. Qūjat 73 ıs-şarany qamtidy. Jospar aiasynda kölık jäne injenerlık infraqūrylymdy jaŋartu, investisiia tartu, qauıpsızdık, sifrlandyru jäne turistık aimaqtardy abattandyru közdelgen.
2029 jylǧa qarai şeteldık turister sanyn 1,7 million adamǧa jetkızu, turizm salasyndaǧy jūmyspen qamtudy 102 myŋ adamǧa deiın arttyru jäne 240 milliard teŋge kölemınde jeke investisiia tartu josparlanyp otyr. Sonymen qatar, tau klasterınıŋ ötkızu qabıletı täulıgıne 24 myŋ adamǧa deiın ūlǧaiyp, tau şaŋǧysy trassalary men aspaly joldar sany köbeimek.
