Almatyda QR Bilim jáne ǵylym mınıstri, belgili pedagog jáne memleket qaıratkeri Shámsha Berkimbaevanyń 80 jyldyǵyna oraı uıymdastyrylǵan eske alý is-sharalary aıaqtaldy. NIS Shámsha Kópbaıqyzymen dos bolǵan, birge oqyp, qyzmet atqarǵan tulǵalardyń basyn qosty.
Aýqymdy sharanyń Qazaq ulttyq qyzdar pedagogıkalyq ýnıversıtetinde ashylýynyńtereń maǵynalyq máni bar. Táýelsiz Qazaqstanda joǵary oqý orynnyń tabysty jandanýy 2003 jyly Shámsha Kópbaıqyzy rektor bolyp taǵaıyndalǵan kezde bastaldy.Ustazdyń jetekshiligi men erik-jigeriniń arqasynda ýnıversıtette Stýdentter úıi quryldy, al mereıtoı aıasynda oǵan resmı túrde Shámsha Berkimbaevanyń esimi berildi.Otbasylyq muraǵattaǵy qoljazbalar, kitaptar, qujattar men marapattar ýnıversıtettiń bas ǵımaraty – Aqtumar murajaıyndaǵy ustazdyń atyn alǵan ortalyqta jınaqtaldy.
Shámsha Kópbaıqyzy aıaqtap úlgermegen «Qazaq mektebi – ult tiregi» kitabynyń tusaýkeserieske alý sharalarynyń basty oqıǵasyna aınaldy. Biregeı jınaqty NIS Pedagogıkalyq sheberlik ortalyǵy tolyqtaı ázirlep, ózderiniń polıgrafııalyq kesheninde basyp shyǵardy.
– «Qazaq mektebi – ult tiregi» eńbegi – búkil sanaly ǵumyryn otandyq bilim berýge, onyń ishinde aýyl mektebine arnaǵan Shámsha Berkimbaevanyń ustazdyq ósıeti, – dep atap ótti Shámsha Kópbaıqyzymen uzaq jyldar birge qyzmet etken Qazaqstannyń eńbek sińirgen qaıratkeri, dıplomat, ǵalym, jýrnalıstQýanysh Sultanov.
Sondaı-aq NIS Pedagogıkalyq sheberlik ortalyǵy Shámsha Berkimbaevanyń ómiri men muǵalimdik qyzmetine arnalǵan «Shamshyraqtaı týǵan eldiń Shámshasy» derekti fılmin túsirdi.
– Búginde elimizdiń júzdegen muǵalimi ózinShámsha Berkimbaevanyń shákirtimin dep ataı alady. Shámsha Kópbaıqyzynyń ómir joly –mektepke qyzmet etýdi maqsat etken naǵyz ustazdyń laıyqty úlgisi. Shámsha Kópbaıqyzymen áriptes jáne dos bolǵan jandar onyń boıynan memleket múddesin qamtamasyz etý, mamandyqqa adal bolý, ádeptilik pen senimdilik sekildi qasıetterdi kóre bildi, – dep moıyndady «Nazarbaev Zııatkerlik mektepteri» DBBU Basqarma tóraıymy Kúlásh Shámshıdınova.
Óz isiniń naǵyz mamany Shámsha Berkimbaeva týraly ýnıversıtet minberinde ustazdyń dostary men áriptesteri – QazaqstanRespýblıkasynyń Eńbek Eri Aıagúl Mırazova, pedagogıka ǵylymdarynyń doktory, Y.Altynsarın atyndaǵy UBA bas ǵylymı qyzmetkeri Jaýymbaı Qaraev, Qyzylorda pedagogıkalyq ýchılıesinde Shámsha Kópbaıqyzymen stýdenttik kezden qurbybolǵan belgili ustazdar Roza Kıikbaeva, Qýanyshkúl Meńdeıaqova, QR Memlekettik syılyǵynyń ıegeri, dáriger-anestezıolog Gúlzada Izbasarova, sondaı-aq qyzdarpedagogıkalyq ýnıversıtetiniń ókilderi – rektor Gúlmıra Qanaeva men professormindetin atqarýshy Lázzat Ádilbekova óz estelikterimen bólisti.
Jıynda aıtylǵan árbir sóz ShámshaBerkimbaevanyń qatardaǵy ustazdan mınıstrge deıingi tabysty kásibı mansabynyń zańdylyǵymen onyń adamı talantyn rastady.
Eske alý is-sharalardyń qorytyndysy ár jyldary Shámsha Berkimbaevaǵa arnalǵan óleńder men ánderden quralǵan konerttik baǵdarlamamen ulasty.
