20‑nauryzda Alamty qalasy äkımşılıgınıŋ Işkı saiasat basqarmasy Almaty qalasynda ornalasqan mediia‑aqparat jurnalisterın qaladaǧy 21‑23‑nauryzda ötetın Nauryz meiramyna daiyndyq barysymen tanystyru turyn ūiymdastyrdy.
Marşrut taŋerteŋgı saǧat 9:30‑da Astana alaŋynan bastaldy. Jurnalister qauymy alaŋda jinalyp, ondaǧy daiyndyq jūmystarymen, mereke baǧdarlamasymen tanysty. Sodan keiın olar barlyq audandaǧy merekelık daiyndyqtardy közben köruge arnaiy kölıkpen attandy.
Astana alaŋyndaǧy körınısterden‑aq közı qaraqty jurnalister Almatydaǧy Nauryz merekesı erekşe sipatta toilanǧaly jatqanyn baiqady. Sanada «Būl merekelık künderdı sän men saltanat meiramyna ainaldyru qajet» degen oi qylaŋ berdı... Dūrys, qazırgı kezde halyq oǧan zäru.
Almaty qalasynda ötetın Nauryz meiramynyŋ ötetın jerler men baǧdarlamalyq jol kartasy:
Almatyda 14 nauryzdan bastap «Nauryznama» tūjyrymdamasy aiasynda Nauryz meiramyna arnalǧan auqymdy mädeni-köpşılık ıs-şaralar ötıp jatyr. Biyl qala boiynşa 200-den astam ıs-şara ūiymdastyrylǧan.
Negızgı merekelık ıs-şaralar 21-23 nauryz aralyǧynda ötedı. Būl künderı qala tūrǧyndary men qonaqtaryna arnalǧan keŋ auqymdy merekelık baǧdarlama ūsynylady: konsert, teatrlandyrylǧan qoiylym, körme, mädeniet qairatkerlerımen kezdesu, sondai-aq qazaq halqynyŋ dästürlı salt-dästürı körsetıledı.
Merekelık negızgı alaŋdar:
Astana alaŋy, Abai alaŋy, Jıbek joly daŋǧylynyŋ jürgınşıler aimaǧy jäne Panfilov köşesı.
Audandardaǧy merekelık oryndar:
Alatau audany – ALMATY ARENA sport keşenınıŋ aldyndaǧy alaŋ (21 nauryz, 11:00–16:30)
Almaly audany – M. Gandi atyndaǧy saiabaq (21 nauryz, 12:00–16:00)
Äuezov audany – Sairan kölınıŋ batys jaǧalauy (21 nauryz, 11:00–16:30)
Bostandyq audany – Tūŋǧyş Prezident saiabaǧy (21–22 nauryz, 13:00–16:00)
Jetısu audany – Almaty ippodromy (21 nauryz, 11:00–17:00)
Medeu audany – Puşkin köşesındegı jürgınşıler alleiasy (21 nauryz, 11:00–15:00)
Türksıb audany – S. Seifullin atyndaǧy saiabaq (21 nauryz, 10:00–16:00)
Nauryzbai audany – №221 mektep aumaǧy (21 nauryz, 11:00–16:30)
21 nauryz
21 nauryz qalanyŋ basty merekelık orny — Astana alaŋy köktemgı köŋıl küidıŋ, mädeniet pen erekşe emosiianyŋ ortalyǧyna ainalady. Saǧat 11:00-den 22:00-ge deiın mūnda muzyka, teatr, öner jäne mädeniet qairatkerlerımen kezdesudı toǧystyrǧan auqymdy merekelık baǧdarlama ötedı.
Taŋnan bastap qonaqtar mazmūndy konserttık baǧdarlama, körkem teatrlandyrylǧan qoiylym men ūlttyq dästürler men zamanaui şyǧarmaşylyqtyŋ bailyǧyn tanytatyn taqyryptyq körmege kuä bolady. Alaŋ keŋıstıgı türlı interaktivtı aimaqtar arqyly jandana tüsedı.
Būl künı otandyq estrada jūldyzdary qatysatyn gala-konsert bolady. Sahnada Medeu Arynbaev, Säken Maiǧaziev, Nūrjan Kermenbaev, Ernar Aidar, Jarqynai Hanaiym, Alen Samyqenov, Äbık Jeksen, Jūldyz Ömırǧali, Dinaia, Saltanat Baqaeva, Möldır Äuelbekova, Äset Esjan, Äzımbek Bailin, Erden Jaqsybek, Mūhtar Hanzada, Nūrsūltan Nūrberdiev, Talǧat Küzembaev, Nūrmūhammed Jaqyp, sondai-aq «Dos-Mūqasan», «Ūlytau», «KeshYOU» jäne «Alaşūly» toptary öner körsetedı.
Keştıŋ şaryqtau şegı — arnaiy qonaq retınde äzırbaijandyq änşı Roza Zergerli öner körsetedı. Ol körermenderge ūmytylmas äser syilap, erekşe energiiasymen merekelık keştıŋ körkın qyzdyrady.
Astana alaŋynda 6 taqyryptyq kiız üi tıgıledı:
1. «Ūly dala äuenı» kiız üiı — mūnda Abai, Jambyl, Dina, Aqan serı, Bırjan sal syndy körnektı tūlǧalardyŋ muzykalyq aspaptarynyŋ ekspozisiialary (köşırmelerı) ūsynylady.
2. Robo-kiız üi — keluşıler nazaryna pikselder arqyly beine jasaityn, qaǧaz ūşaqtardy ūşyratyn, turnikke tartylatyn robottar, sondai-aq Düniejüzılık ǧaryş olimpiadasyna daiyndalǧan zymyran ülgılerı tanystyrylady.
3. DIGITAL 360 KÖRINIS kiız üiı — ainalmaly jäne edendık LED-ekrandarmen, arnaiy dybystyq effektılermen jabdyqtalǧan keŋıstık. Mūnda keluşıler Şymbūlaqtaǧy qardyŋ syqyryn estıp, ekrannan tau betkeiınde syrǧanap jürgen snoubordşylar men qar barysyn köre alady. Qonaqtar Medeu men Şymbūlaqtyŋ körkem tabiǧatymen, saq qorǧandarymen, qalanyŋ üzdık meiramhanalarymen virtualdy türde tanysyp, almatylyq aport — Sivers almasynyŋ tarihy turaly bıle alady.
4. «Saq mūrasy» arheologiialyq kiız üiı — Qyrym Altynbekov negızın qalaǧan ǧylymi-restavrasiialyq zerthananyŋ suretşı-restavratory daiyndaǧan ǧylymi rekonstruksiialar körmesı ūsynylady. Ekspozisiia saq däuırınıŋ arheologiialyq mūrasyna arnalǧan.
5. «Dästür kody» etno-dizain kiız üiı — almatylyq şeber, dästürlı «bız keste» önerınıŋ ökılı Zeinelhan Mūhamedjanūlynyŋ tuyndylary, etno-dizainer Aida Kaumenovanyŋ toptamalary jäne Almaty muzeiı qorynan zergerlık būiymdar qoiylady.
6. «Mūra» ūlttyq mädeniet kiız üiı — mūnda ūly qazaq aqyndaryna arnalǧan teatrlandyrylǧan körınıs pen poetikalyq qoiylym ūsynylady.
Merekelık köŋıl küi Abai alaŋyn da qamtidy. Mūnda 21 nauryz künı saǧat 12:00-den 22:00-ge deiın qala tūrǧyndary men qonaqtaryna arnalǧan mazmūndy ärı auqymdy baǧdarlama ūiymdastyrylady.
Künı boiy qonaqtar mädeni, oiyn-sauyq jäne sporttyq ıs-şaralarǧa kuä bolady. Alaŋ merekelık ruhty sezıngısı keletınderdıŋ basyn qosatyn ortalyqqa ainalyp, mūnda türlı körmeler, festivalder, interaktivtı belsendılıkter, sporttyq oiyndar men köpşılık seruender ötedı.
Merekenıŋ muzykalyq özegı — tanymal artister men şyǧarmaşylyq ūjymdar qatysatyn konserttık baǧdarlama bolmaq. Sahnada Aigül Ülkenbaeva, Arkaiym toby, Il canto jäne La Bella kvartetterı, Möldır Äuelbekova, Nūrsūltan Nūrberdiev, sondai-aq zamanaui oryndauşylar Kyle ruh, Nurbullin, Säbira Sadyrqojaev, Aibar Sanbai, «Ägugai» ansamblı, «Sardar» etno-ansamblı, «Saq» toby, Nursad, Aikentai, AyaFUNK, Astra, Moonlight, Amalyat, «Alfa» toby jäne Ayree öner körsetedı.
Sonymen qatar, 21-23 nauryz Abai alaŋynda Türkı älemı halyqtarynyŋ körme-järmeŋkesı ötedı. Türkiia, Äzırbaijan, Täjıkstan, Özbekstan, Qyrǧyzstan jäne Qazaqstannan kelgen qolöner şeberlerı bıregei būiymdaryn ūsynady. Körme-järmeŋkede qonaqtar Äzırbaijannyŋ qolmen toqylǧan kılemderı men vitrajdyq örnekterın, Türkiianyŋ äigılı keramikasyn, Özbekstannyŋ Riştan kögıldır keramikasyn, Täjıkstannyŋ siuzane jäne chakan būiymdaryn, Qyrǧyzstannyŋ kiızden jasalǧan şyrdaqtaryn, sondai-aq Qazaqstannyŋ tekemet, basqūr, qūraq būiymdary men zergerlık öner tuyndylaryn jäne basqa da ūlttyq mūralardy tamaşalai alady.
Qalanyŋ eŋ körıktı jürgınşıler aimaqtarynyŋ bırı Jıbek joly – Panfilov köşelerı boiyn da merekelık köŋıl küi kerneidı. Mūnda 21-23 nauryz saǧat 11:00-den 19:00-ge deiın qonaqtarǧa arnalǧan jarqyn ärı serpındı baǧdarlama ūsynylady.
Künı boiy būl keŋıstık zamanaui jäne dästürlı öner toǧysqan erekşe alaŋǧa ainalady. Qala tūrǧyndary men qonaqtary üşın türlı mazmūndy belsendılıkter ūiymdastyrylady.
Keluşılerdı Robo DJ-dıŋ erekşe şouy, Serpin etno-folklorlyq ansamblınıŋ oryndauyndaǧy «NAURYZ: Qazaq Sound» konserttık baǧdarlamasy kütedı. Künnıŋ şaryqtau şegı — äserlı «Dream Light» jaryq şouy bolmaq.
21-22 nauryz (10:00–18:00) Arbatta dästürlı «KıtapFest-2026» kıtap festivalı ötedı. Onda 40 baspanyŋ taŋdauly tuyndylary ūsynylyp, belgılı jazuşylarmen ädebi kezdesu, sondai-aq ūlttyq jäne şyǧarmaşylyq baǧyttaǧy şeberdıŋ sabaqtary ūiymdastyrylady. Festivaldıŋ basty erekşelıgı, sifrlandyru jäne jasandy intellekt jyly aiasynda qūrylǧan Smart Yurt kiız üiı.
21-23 nauryz aralyǧynda Panfilov jürgınşıler köşesınde zamanaui qazaqstandyq suretşılerdıŋ keskındeme jäne fotosuret önerın bırıktırgen aşyq aspan astyndaǧy auqymdy körme ūiymdastyrylady. Qala tūrǧyndary men qonaqtary belgılı qazaqstandyq qylqalam şeberlerınıŋ tuyndylaryn tamaşalai alady. Būl jūmystarda qazaq halqynyŋ dästürı men tūrmysy, köşpelı mädeniet, dala beinesı men kündelıktı ömır körınısterı körkem ärı tereŋ beinelengen.
Sondai-aq, osy künderı mūnda «Ūly dalanyŋ ǧajaiyptary» atty respublikalyq etno-körme ötedı. Körmede qazaqstandyq avtorlardyŋ dästür, mädeniet, tabiǧat jäne etnikalyq mūrany beineleitın fotosuretterı ūsynylady. Ekspozisiia elımızdıŋ bai mädeni mūrasyn jetekşı fotograftardyŋ obektivı arqyly tanyp-bıluge mümkındık beredı.
Osy alaŋda tūrǧyndar men qonaqtar üşın zamanaui interaktivtı alleia ūsynylady: LED-ekrandarda «Jetı qazyna» simvoldary körsetılıp, Nauryz merekesınıŋ baǧdarlamasy tanystyrylady jäne qaladaǧy negızgı lokasiialar boiynşa navigasiia qamtamasyz etıledı. Sonymen qatar «Almaty AI – Bolaşaqqa saiahat» atty LED-tunnel jūmys ısteidı. Būl Almaty qalasyn jasandy intellekt közqarasymen tanytatyn bıregei keŋıstık. Būdan bölek, aşyq aspan astynda «Halyqtyq karaoke» formatyndaǧy 4 karaoke alaŋy ūiymdastyrylady.
22 nauryz
22 nauryz saǧat 11:00-den 22:00-ge deiın Astana alaŋynda auqymdy merekelık baǧdarlama ūiymdastyrylady. Baǧdarlama aiasynda konserttık qoiylym, köpşılık seruen, körme jäne özge de mädeni ıs-şaralar ötedı.
Konserttık baǧdarlamada Älışer Kärımov, Marsel, Turar, Belluci, Nūrjan Abai, Ajar Nazar, Iliias Qabdyrai, Ray, Baha, Sanzhar Jumasitov, Astra, Zhenis, Jasūlan Köpbergen jäne basqa da öner jūldyzdary sahna törınen körınedı.
Sol künı saǧat 11:00-den 21:30-ǧa deiın Abai alaŋynda da keŋ auqymdy merekelık baǧdarlama ūsynylady. Mūnda konsert, halyqtyq seruen men körme ūiymdastyrylady.
Abai alaŋynda «Dos-Mūqasan» toby, Älışer Qonysbaev, Baljan Bidaş, Aiqyn, Tölepbergen, Äli Oqapov, Nūrjan Kermenbaev, «KeshYOU» toby, Ademi, Axallek jäne özge de oryndauşylar öner körsetedı.
Jıbek joly – Panfilov jürgınşıler aimaǧynda saǧat 12:30-dan 19:00-ge deiın «Jeldırme» dästürlı muzyka konsertı, quyrşaq teatrynyŋ qoiylymdary, Robo DJ şouy jäne «Dream Light» jaryq şouy ūiymdastyrylady.
23 nauryz
23 nauryz Astana alaŋynda merekelık baǧdarlama saǧat 11:00-den 18:00-ge deiın jalǧasady. Sahnada Didar Käden, Saia Mahambet, Däuıt Tūrǧynälı, Balausa Erǧalina, Aidar Abdrahmanov, Jaqyp Nūrmūhammed, Maidan Aimauyt, Bostan Nūrdäulet, Tūrdaly Dastan jäne köpjanrly «Parasat» etno-ansamblı öner körsetedı.
Abai alaŋynda saǧat 11:00-den 21:30-ǧa deiın auqymdy merekelık baǧdarlama ūiymdastyrylady. Baǧdarlama aiasynda konsert, köpşılık seruen, körme jäne basqa da mädeni ıs-şaralar ötedı.
Konsertte Roza Rymbaeva, Aidana Medenova, Jūbanyş Jeksenūly, Dakelot, Sanzhar, 404 toby, «Dervişi» ansamblı, «Dudarai» toby, Tılek Bazarov, Rano, Botagöz Ǧazizqyzy, «Tūmar» toby, «Jūmyr qylyş» toby, Ersūltan Stamǧaziev, Bolat Qūsaiynov, Alua Erbolatqyzy jäne özge de artister öner körsetedı.
Jıbek joly – Panfilov jürgınşıler aimaǧynda saǧat 12:00-den 19:00-ge deiın türlı ıs-şaralar ūiymdastyrylady: quyrşaq teatrynyŋ qoiylymdary, Robo DJ şouy jäne «Dream Light» jaryq şouy ötedı.
Sonymen qatar, 21-25 nauryz aralyǧynda «Alatau» dästürlı öner teatry aumaǧynda (Nūrkent şaǧynaudany, 6) köşpelı şapito formatyndaǧy «Nauryz şou» sirktık baǧdarlamasy ötedı.
Baǧdarlamaǧa Resei, Ukraina jäne Qazaqstannan kelgen üzdık artister qatysady: gimnastar, akrobattar, üiretılgen itter, ekvilibrister men äue gimnastary öner körsetedı. Sondai-aq sirktık qoiylymǧa Mūrat Mūtyrǧanov qatysady.
21-23 nauryz aralyǧynda Almaty qalasy muzeiler bırlestıgı men Qazaqstan Respublikasynyŋ Ūlttyq ortalyq muzeiı metropoliten beketterınde fotokörme ūiymdastyrady. Nauryz meiramyn merekeleu aiasynda jolauşylarǧa qazaq halqynyŋ dästürı men mädenietın beineleitın fotosuretter ūsynylady.
Jerasty kölıgınıŋ jolauşylary fotokörme arqyly Qazaqstannyŋ tarihy men ūlttyq mūrasymen jaqynyraq tanysa alady.
Fotokörme «Jıbek Joly», «Almaly», «Sairan», «Saryarqa» beketterınde saǧat 09:00-den 21:00-ge deiın jūmys ısteidı.
