Almatyda Honda kölıgın tızgındegen 19 jastaǧy jürgızuşı rölge ie bola almai, jol jiegındegı belgıge soǧyldy. Jol apaty beinebaqylau kamerasyna tüsıp qalǧan, dep habarlaidy “Adyrna” ūlttyq portaly Tengrinews.kz- ke sıltep.
Beinejazbada kölıktıŋ oŋ jaq şetkı jolaqta kele jatyp, aldyndaǧy kölıktı basyp ozuǧa tyrysqany körınedı. Manevr jasau kezınde jürgızuşı rölge ie bola almai, kölık joldan taiyp, belgı baǧanasyna soǧylǧan.
Almaty qalalyq polisiia departamentınıŋ mälımetınşe, jol-kölık oqiǧasy Medeu audanynda tüngı saǧat 22:30 şamasynda bolǧan.
“Jürgızuşı kölıgımen şyǧys ainalma jolynyŋ boiymen soltüstık baǧytta kele jatqan. Ol rölge ie bola almai, bordiur tasy men aryq jüiesıne soqtyǧysty. Apat saldarynan eşkım zardap şekken joq. Kölıkke mehanikalyq zaqym keldı. Avtokölık arnaiy aiyptūraǧyna qoiyldy. Qazır Medeu audandyq polisiia basqarmasy būl oqiǧa boiynşa tergeu jūmystaryn jürgızıp jatyr”, — delıngen polisiia habarlamasynda.
Eske salsaq, būǧan deiın Aqtöbe oblysynda Samara — Şymkent tas jolynda jük kölıgı men jolauşylar avtobusy soqtyǧysyp, avtobus jürgızuşısı qaza tapqan bolatyn.
Ūqsas jaŋalyqtar
