Almatyda tańerteń jataqhana retinde jabdyqtalǵan jertóleden órt shyǵyp, 13 adam kóz jumdy, eki adam aýrýhanaǵa jatqyzyldy. Bul týraly Almaty tótenshe jaǵdaılar departamenti jarııalady, dep habarlaıdy “Adyrna” ulttyq portaly.
Qalalyq tótenshe jaǵdaı departamentiniń (TJD) habarlaýnysha, qaıǵyly oqıǵa búgin, ıaǵnı 30 qarashada tańǵy saǵat 05:33-te Ádı Sháripov kóshesinde bolǵan.
Órt týraly habarlama kelip túse salysymen, №1 órt sóndirý bólimi shaqyrtý ornyna 7 mınýt ishinde keldi. Kelgen boıda 1-qabaty jáne jertólesi jatahanaǵa aınalǵan 3 qabatty turǵyn úıdiń órtenip jatqanyn anyqtady Aldyn-ala aqparat boıynsha órttiń jalpy aýdany 30 sharshy metrdi qurady,- delingen TJD habarlamasynda.
Órt kezinde Sháripov kóshesindegi hostelde 72 adam bolǵan. Órt ornyna 7 jedel medıınalyq qyzmet brıgadasy jumyldyrylǵan.
Almatynyń Tótenshe jaǵdaılar departamenti órttiń shyǵý sebebin anyqtap jatyr.
