Ǧylym jäne joǧary bılım ministrı Almatydaǧy jer sılkınısınen keiın qai joǧary oqu oryndaryna zaqym kelgenın aitty, dep habarlaidy "Adyrna" tılşısı
Almatyda 4 nauryz künı qatty jer sılkınısı bolyp, bırneşe oqu oryndarynyŋ qiraǧany turaly aqparat taraǧan bolatyn.
Ministr Saiasat Nūrbek qatty qiraudyŋ bolmaǧanyn, Äl-Farabi atyndaǧy Qazaq Ūlttyq universitetı, Abai atyndaǧy QazŪPU, Qazaq Ūlttyq Qyzdar Pedagogikalyq universitetı jäne bırneşe jataqhana ǧimarattarynda jaryqtar paida bolǧanyn mälımdedı.
"Bız seismikalyq tözımdılık boiynşa qala qūrylysy bölımderınen arnaiy mamandardy şaqyryp, saraptama jürgızdık. Tırek qūrylymdaryna zaqym kelgen joq. Jaryqtar bar, bıraq būl qauıp tudyrady dep aita almaimyz. Barlyq student dereu şyǧaryldy. Bırneşe punkte ötetın ŪBT toqtatyldy. Bız barlyq sabaqty toqtattyq", - dedı ministr mäjılıs kuluarynda.Belgılı bolǧandai jer sılkınısınen keiın paida bolǧan jaryqtardy jöndeu jūmystaryn universitetter öz qarajatyna jasamaq. Ministr şyǧyn kölemı az ekenın atap öttı.
Ūqsas jaŋalyqtar
