الماتىدا تاڭەرتەڭ جاتاقحانا رەتىندە جابدىقتالعان جەرتولەدەن ءورت شىعىپ، 13 ادام كوز جۇمدى، ەكى ادام اۋرۋحاناعا جاتقىزىلدى. بۇل تۋرالى الماتى توتەنشە جاعدايلار دەپارتامەنتى جاريالادى، دەپ حابارلايدى “ادىرنا” ۇلتتىق پورتالى.
قالالىق توتەنشە جاعداي دەپارتامەنتىنىڭ (تجد) حابارلاۋنىشا، قايعىلى وقيعا بۇگىن، ياعني 30 قاراشادا تاڭعى ساعات 05:33-تە ءادي ءشارىپوۆ كوشەسىندە بولعان.
ءورت تۋرالى حابارلاما كەلىپ تۇسە سالىسىمەن، №1 ءورت ءسوندىرۋ ءبولىمى شاقىرتۋ ورنىنا 7 مينۋت ىشىندە كەلدى. كەلگەن بويدا 1-قاباتى جانە جەرتولەسى جاتاحاناعا اينالعان 3 قاباتتى تۇرعىن ءۇيدىڭ ورتەنىپ جاتقانىن انىقتادى الدىن-الا اقپارات بويىنشا ءورتتىڭ جالپى اۋدانى 30 شارشى مەتردى قۇرادى،- دەلىنگەن تجد حابارلاماسىندا.
ءورت كەزىندە ءشارىپوۆ كوشەسىندەگى حوستەلدە 72 ادام بولعان. ءورت ورنىنا 7 جەدەل مەديتسينالىق قىزمەت بريگاداسى جۇمىلدىرىلعان.
الماتىنىڭ توتەنشە جاعدايلار دەپارتامەنتى ءورتتىڭ شىعۋ سەبەبىن انىقتاپ جاتىر.
