الماتىداعى حوستەلدەگى ورتتەن قازا تاپقان ادامداردىڭ جەكە باسى انىقتالدى. بۇل تۋرالى الماتى قالالىق پوليتسيا دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
الماتى قالالىق پوليتسيا دەپارتامەنتىنىڭ حابارلاۋىنشا، قايتىس بولعان 13 ادامنىڭ تورتەۋى شەتەلدىكتەر (رەسەي فەدەراتسياسىنىڭ 2 ازاماتى جانە وزبەكستاننىڭ 2 ازاماتى), قالعان 9 ادام - قازاقستان رەسپۋبليكاسىنىڭ ازاماتتارى.
بۇعان دەيىن الماتى قالاسىنىڭ اكىمى ەربولات دوساەۆ 10 ادامنىڭ جەكە باسى انىقتالعانىن مالىمدەگەن ەدى. سونداي-اق، ول بۇل حوستەل الماتى قالاسى جوعارى وقۋ ورىندارىمەن ستۋدەنتتەردىڭ تۇرۋى ءۇشىن ىنتىماقتاستىق تۋرالى مەموراندۋمعا قول قويماعانىن ايتتى.
بۇعان دەيىن حابارلاعانىمىزداي، بۇگىن تاڭەرتەڭ الماتىدا ورنالاسقان حوستەلدەردىڭ بىرىنەن ءورت شىعىپ، 13 ادامدى اجال قۇشتى. بەلگىلى بولعانداي حوستەلدىڭ ىسكە قوسىلعانىنا نە ءبارى 1,5 اي بولعان. وندا شەتەل ازاماتتارى تۇرعان. سونىمەن قاتار ءورتتىڭ شىعۋ سەبەپتەرىن تەكسەرۋ جونىندەگى ۇكىمەتتىك كوميسسيا قۇرىلدى.ورتتەن زارداپ شەككەندەردىڭ جاعدايى تۋرالى مالىمەت بەلگىلى بولعان ەدى.
