الماتىدا قر ءبىلىم جانە عىلىم ءمينيسترى، بەلگىلى پەداگوگ جانە مەملەكەت قايراتكەرى ءشامشا بەركىمباەۆانىڭ 80 جىلدىعىنا وراي ۇيىمداستىرىلعان ەسكە الۋ ءىس-شارالارى اياقتالدى. NIS ءشامشا كوپبايقىزىمەن دوس بولعان، بىرگە وقىپ، قىزمەت اتقارعان تۇلعالاردىڭ باسىن قوستى.
اۋقىمدى شارانىڭ قازاق ۇلتتىق قىزدار پەداگوگيكالىق ۋنيۆەرسيتەتىندە اشىلۋىنىڭتەرەڭ ماعىنالىق ءمانى بار. تاۋەلسىز قازاقستاندا جوعارى وقۋ ورىننىڭ تابىستى جاندانۋى 2003 جىلى ءشامشا كوپبايقىزى رەكتور بولىپ تاعايىندالعان كەزدە باستالدى.ۇستازدىڭ جەتەكشىلىگى مەن ەرىك-جىگەرىنىڭ ارقاسىندا ۋنيۆەرسيتەتتە ستۋدەنتتەر ءۇيى قۇرىلدى، ال مەرەيتوي اياسىندا وعان رەسمي تۇردە ءشامشا بەركىمباەۆانىڭ ەسىمى بەرىلدى.وتباسىلىق مۇراعاتتاعى قولجازبالار، كىتاپتار، قۇجاتتار مەن ماراپاتتار ۋنيۆەرسيتەتتىڭ باس عيماراتى – اقتۇمار مۇراجايىنداعى ۇستازدىڭ اتىن العان ورتالىقتا جيناقتالدى.
ءشامشا كوپبايقىزى اياقتاپ ۇلگەرمەگەن «قازاق مەكتەبى – ۇلت تىرەگى» كىتابىنىڭ تۇساۋكەسەرىەسكە الۋ شارالارىنىڭ باستى وقيعاسىنا اينالدى. بىرەگەي جيناقتى NIS پەداگوگيكالىق شەبەرلىك ورتالىعى تولىقتاي ازىرلەپ، وزدەرىنىڭ پوليگرافيالىق كەشەنىندە باسىپ شىعاردى.
– «قازاق مەكتەبى – ۇلت تىرەگى» ەڭبەگى – بۇكىل سانالى عۇمىرىن وتاندىق ءبىلىم بەرۋگە، ونىڭ ىشىندە اۋىل مەكتەبىنە ارناعان ءشامشا بەركىمباەۆانىڭ ۇستازدىق وسيەتى، – دەپ اتاپ ءوتتى ءشامشا كوپبايقىزىمەن ۇزاق جىلدار بىرگە قىزمەت ەتكەن قازاقستاننىڭ ەڭبەك سىڭىرگەن قايراتكەرى، ديپلومات، عالىم، جۋرناليستقۋانىش سۇلتانوۆ.
سونداي-اق NIS پەداگوگيكالىق شەبەرلىك ورتالىعى ءشامشا بەركىمباەۆانىڭ ءومىرى مەن مۇعالىمدىك قىزمەتىنە ارنالعان «شامشىراقتاي تۋعان ەلدىڭ ءشامشاسى» دەرەكتى ءفيلمىن ءتۇسىرءدى.
– بۇگىندە ەلىمىزدىڭ جۇزدەگەن مۇعالىمى ءوزىنشامشا بەركىمباەۆانىڭ شاكىرتىمىن دەپ اتاي الادى. ءشامشا كوپبايقىزىنىڭ ءومىر جولى –مەكتەپكە قىزمەت ەتۋدى ماقسات ەتكەن ناعىز ۇستازدىڭ لايىقتى ۇلگىسى. ءشامشا كوپبايقىزىمەن ارىپتەس جانە دوس بولعان جاندار ونىڭ بويىنان مەملەكەت مۇددەسىن قامتاماسىز ەتۋ، ماماندىققا ادال بولۋ، ادەپتىلىك پەن سەنىمدىلىك سەكىلدى قاسيەتتەردى كورە ءبىلدى، – دەپ مويىندادى «نازارباەۆ زياتكەرلىك مەكتەپتەرى» دببۇ باسقارما ءتورايىمى كۇلاش ءشامشيدينوۆا.
ءوز ءىسىنىڭ ناعىز مامانى ءشامشا بەركىمباەۆا تۋرالى ۋنيۆەرسيتەت مىنبەرىندە ۇستازدىڭ دوستارى مەن ارىپتەستەرى – قازاقستانرەسپۋبليكاسىنىڭ ەڭبەك ەرى اياگۇل ميرازوۆا، پەداگوگيكا عىلىمدارىنىڭ دوكتورى، ى.التىنسارين اتىنداعى ۇبا باس عىلىمي قىزمەتكەرى جاۋىمباي قاراەۆ، قىزىلوردا پەداگوگيكالىق ۋچيليششەسىندە ءشامشا كوپبايقىزىمەن ستۋدەنتتىك كەزدەن قۇربىبولعان بەلگىلى ۇستازدار روزا كيىكباەۆا، قۋانىشكۇل مەڭدەياقوۆا, قر مەملەكەتتىك سىيلىعىنىڭ يەگەرى, دارىگەر-انەستەزيولوگ گۇلزادا ءىزباساروۆا، سونداي-اق قىزدارپەداگوگيكالىق ۋنيۆەرسيتەتىنىڭ وكىلدەرى – رەكتور گۇلميرا قاناەۆا مەن پروفەسسورمىندەتىن اتقارۋشى ءلاززات ادىلبەكوۆا ءوز ەستەلىكتەرىمەن ءبولىستى.
جيىندا ايتىلعان ءاربىر ءسوز ءشامشابەركىمباەۆانىڭ قاتارداعى ۇستازدان مينيسترگە دەيىنگى تابىستى كاسىبي مانسابىنىڭ زاڭدىلىعىمەن ونىڭ ادامي تالانتىن راستادى.
ەسكە الۋ ءىس-شارالاردىڭ قورىتىندىسى ءار جىلدارى ءشامشا بەركىمباەۆاعا ارنالعان ولەڭدەر مەن اندەردەن قۇرالعان كونتسەرتتىك باعدارلامامەن ۇلاستى.
