Almaty oblysynda ötken Basqaru Race Nation Kazakhstan 2026 jarysyna elımızden jäne basqa da memleketterden kelgen şamamen 1800 adam qatysty. Olar arqanmen örmelep, biık qabyrǧalardan asyp, lai men sudy eŋserıp, küş-jıgerdı talap etetın türlı kedergılerden öttı. Saiys biık örlerı bar tauly jerde ūiymdastyryldy.
Almaty oblysynyŋ erıktılerı men belsendı jastary trassanyŋ jekelegen uchaskelerınde kezekşılık etıp, kürdelı kedergılerden ötken sportşylarǧa kömektestı. Qajet bolǧan jaǧdaida qatysuşylardyŋ jaǧdaiy turaly aqparatty medisina qyzmetkerlerıne habarlap, olardy auyz sumen qamtamasyz ettı.
Aita keteiık, auyz su bötelkelerınde 23 tamyzda Qūryltai deputattarynyŋ sailauy ötetını turaly aqparat ornalastyrylǧan. Erıktıler jarysqa qatysuşylar men ıs-şara qonaqtardyŋ sailauǧa qatysty sūraqtaryna da jauap berdı. Osylaişa, auqymdy sporttyq şara tūrǧyndardy Qūryltai deputattarynyŋ sailauy turaly aqparattandyruǧa arnalǧan qosymşa alaŋǧa ainaldy.
Jarys barysynda qatysuşylar men qonaqtarǧa 23 tamyzda ötetın Qūryltai deputattarynyŋ sailauy turaly aqparat basylǧan auyzsu taratyldy. Osylaişa būqaralyq sporttyq ıs-şara öŋır tūrǧyndary men qonaqtaryn dauys beru künınen habardar ettı.
Jarys 5 jäne 10 şaqyrymdyq qaşyqtyqtar boiynşa ūiymdastyryldy. Eŋ kürdelı synaqtar 10 şaqyrymdyq trassada jalǧasty, mūnda sportşylar 50-ge juyq türlı kedergıden ötuge tiıs boldy.
Balalar üşın de jeke kedergıler jolaǧy ūiymdastyryldy. 7-10 jas aralyǧyndaǧy qatysuşylar 1 şaqyrym, al 11-14 jastaǧylar kürdelırek elementterı bar 2 şaqyrymdyq qaşyqtyqty eŋserdı. 15 jastan asqan jasöspırımder 3 şaqyrymdyq eresekterge arnalǧan distansiiaǧa şyǧa aldy. Ūiymdastyruşylar ata-alalardyŋ kelısımımen daiyndyǧy jaqsy büldırşınderdıŋ de jarysqa qatysuyna mümkındık berdı. Osylaişa, eŋ jas qatysuşysy şamamen bes jasta boldy.
Būl jarys öŋırdıŋ turizm salasy üşın de maŋyzdy oqiǧaǧa ainaldy. Almaty oblysynyŋ Turizm basqarmasy mūndai auqymdy sporttyq ıs-şaralar öŋırdegı sporttyq jäne oqiǧalyq turizmnıŋ damuyna serpın beretının atap öttı. Öitkenı jarysqa sportşylarmen bırge olardyŋ otbasy müşelerı men janküierlerı de turist retınde keledı.
Jarysta 5 jäne 10 şaqyrymdyq qaşyqtyqtar boiynşa jeŋımpazdar anyqtaldy. «Elite 10» sanatynda 18-39 jas aralyǧyndaǧy erler arasynda bırınşı bolyp 1:16:39 uaqytta Reseiden kelgen Dmitrii Gorev märege jettı. Odan qazaqstandyq Almas Rahymbaev nebärı 59 sekundqa qalyp, 1:17:38 nätijesımen ekınşı oryn aldy. Üşınşı orynǧa Äli Rahmetov ie boldy, ol 1:19:54 uaqytta keldı. Äielder arasynda eŋ üzdık nätijenı Anastasiia Alekseeva körsettı, ol 2:10:25 uaqytta jarys märesın syzdy.
«Elite 5» sanatynda erler arasynda Qyrǧyzstan ökılı Arsenii Şaşichev 59:55 nätijesımen jeŋıske jettı. Qazaqstandyq Darhan Süiımbaev 1:00:53 nätijesımen ekınşı oryn alsa, Äşım Jūmabekov 1:03:20 nätijesımen üşınşı orynnan körındı. Äielder arasynda qaşyqtyqty eŋ jyldam baǧyndyrǧan qazaqstandyq Olesia Griaznova boldy, ol 2:17:25 uaqytta keldı.
«Elite 10 (40+)» sanatynda erler arasynda jeŋıstı İlnaz Basyrov 1:25:31 nätijesımen jeŋıp aldy. Äielder arasynda Anastasiia Sehotskaia 2:34:37 nätijesımen üzdık atandy. 5 şaqyrymdyq komandalyq jarysta Sprint Club Almaty, al 10 şaqyrymdyq komandalyq saiysta Jaubasar Almaty jeŋımpaz boldy.
Basqaru Race Nation Kazakhstan 2026 jarysynyŋ jalpy jülde qory 3 million teŋgenı qūrady. Is-şarany «Ekstremaldy atletika» qoǧamdyq bırlestıgı ūiymdastyrdy.
Jalpy Race Nation jarysy Qazaqstanda 2017 jyldan berı ötkızılıp keledı. Osy uaqyt ışınde keibır qatysuşylar balalar arasyndaǧy jarystardan bastap, tolyqqandy eresekter arasyndaǧy bäsekelı qaşyqtyqtarǧa deiıngı joldan öttı.
Eske salaiyq, 23 tamyzda Qazaqstanda elımızdıŋ jaŋa Parlamentı — Qūryltai deputattarynyŋ sailauy ötedı.
