Qazaqstandaǵy Bala quqyqtary jónindegi ýákil Dınara Zakıeva Almatynyń balabaqshalarynyń birinde qatarlastarynyń balany aıaýsyz uryp-soǵýyna qatysty pikir bildirdi, dep habarlaıdy "Adyrna" ulttyq portaly.
Ol balabaqshada balany uryp-soǵý faktisi boıynsha qylmystyq is qozǵalyp, bul iste ata-analardyń ákimshilik jaýapkershilikke tartylatynyn atap ótti.
"Almatynyń Bala quqyqtary jónindegi ýákili Dıana Erlan zardap shekken balanyń aýrýhanada, ájesiniń janynda, jaǵdaıy orta dárejeli aýyrlyqta ekenin aıtady. Qazirgi ýaqytta jaǵdaıdyń tolyq mán-jaıy zerttelip, balalardyń minez – qulqynyń, qatygezdiginiń sebepterine taldaý júrgizilýde",- dep jazdy Dınara Zakıeva Instagram áleýmettik jelisinde.
Eske sala keteıik, 2024 jylǵy 23 aqpanda áleýmettik jelilerde taralǵan kadrlarda Almaty balabaqshalarynyń birinde toptaǵy birneshe bala ózderi qatarlas balany aıaýsyz uryp-soqqany kórsetilgen beınejazba taraǵan. Zardap shekken balanyń ata-anasynyń aıtýynsha, oqıǵa 21 aqpanda balalar qaraýsyz qalǵan kezde bolǵan. Balabaqsha basshysy men tárbıeshisi jazalanyp, polıııa qylmystyq is qozǵady.
"Adyrna" ulttyq portaly
