Plug and Play kompaniiasymen serıktestık ornatu bankke älem boiynşa 100 myŋ startapty bırıktıretın jahandyq ekojüiege qol jetkızuge mümkındık beredı. Olardyŋ tehnologiialary bank qyzmetterın damytuǧa, alaiaqtyqpen küresuge jäne superapptyŋ mümkındıkterın keŋeituge kömektesedı.
Qazaqstandaǧy eŋ ırı bank Halyk Bank pen Plug and Play kompaniiasy Almaty qalasynda jasandy intellekt salasyndaǧy bırlesken qūzyret ortalyǧyn qūru turaly kelısımge keldı. Būl bastama bankke de, Kremnii alqabynda ornalasqan kompaniianyŋ jahandyq jelısıne kıretın startaptarǧa da jaŋa mümkındıkter aşady.
«Būl serıktestık bızge älemnıŋ tükpır-tükpırındegı startaptardyŋ ozyq tehnologiialyq şeşımderın Qazaqstanǧa jüielı türde tartuǧa jäne Plug and Play kompaniiasymen bırge Halyk tobynyŋ basym damu baǧyttary boiynşa ūzaq merzımdı şeşımder äzırleuge mümkındık beredı. Bız jekelegen pilottyq jobalarmen ǧana şektelmeimız», – dedı Halyk basqarma töraǧasynyŋ orynbasary Mūrat Köşenov yntymaqtastyqqa qatysty pıkır bıldırıp.
Plug and Play kompaniiasynyŋ negızın qalauşy ärı basşysy Said Amididıŋ aituynşa, kompaniianyŋ täjıribesı ırı qarjy instituttarynda qūzyret ortalyqtaryn qūru innovasiialardy engızuge tyŋ mümkındık beretının körsetedı.
«Startaptar öz şeşımderın ırı qarjy institutyna, onyŋ jeke jäne biznes-klientterıne ūsynuǧa mümkındık alady. Al bank öz salasynyŋ aldaǧy onjyldyqtaǧy damuyn aiqyndaityn tehnologiialardy alǧaşqylardyŋ bırı bolyp baǧalai alady», – dep atap öttı Said Amidi.
Yntymaqtastyq arqasynda jasandy intellekt salasyndaǧy qūzyret ortalyǧy qūrylady.
Plug and Play kompaniiasynyŋ arnaiy toby Halyk bankınıŋ ışınde jūmys ıstep, startaptardy ızdeu jäne baǧalau, sondai-aq banktıŋ basym mındetterın şeşuge arnalǧan pilottyq jobalardy ıske qosumen ainalysady.
Jasandy intellekt salasyndaǧy bırlesken qūzyret ortalyǧyn qūru Halyk pen Plug and Play arasyndaǧy serıktestıktıŋ kelesı kezeŋı boldy. Biyl mamyr aiynyŋ basynda kompaniialar startaptar ekojüiesın damytuǧa, täjıribe almasuǧa jäne Ortalyq Aziiadaǧy tehnologiialyq jobalardyŋ mümkındıkterın keŋeituge baǧyttalǧan yntymaqtastyq turaly memorandumǧa qol qoiǧan.
