يزرايل بارلىق كەپىلگە الىنعانداردى بوساتۋ ءۇشىن حاماس جەتەكشىلەرىنە، سونىڭ ىشىندە سودىرلار قاناتىنا گازا سەكتورىنان ەركىن كەتۋگە رۇقسات بەرۋ مۇمكىندىگىن تالقىلاپ جاتىر. بۇل تۋرالى يزرايلدىك Yedioth Ahronoth گازەتى جاريالادى، دەپ حابارلايدى “ادىرنا” ۇلتتىق پورتالى.
مالىمەت بويىنشا، بۇل سوعىستى قىسقا مەرزىمدە اياقتاۋعا مۇمكىندىك بەرەدى جانە سونىمەن بىرگە توپتىڭ انكلاۆتاعى ينفراقۇرىلىمىن جويۋ تۋرالى ايتىلعان ماقساتتارعا قول جەتكىزىلەدى.
باسىلىم قازىرگى اسكەري ناۋقان اياسىندا گازا سەكتورىنداعى حاماستىڭ بارلىق قىزمەتكەرلەرىن جانە ينفراقۇرىلىمىن فيزيكالىق تۇردە جويۋ بىرنەشە جىلدارعا سوزىلاتىنىن، ەڭ باستىسى ۇلكەن شىعىنعا اكەلەتىنىن اتاپ ءوتتى.
