شىمكەنتتە كولىك رولىنە وتىرۋعا تىيىم سالىنعان 1268 ادام جۇرگىزۋشى كۋالىگىن العان. بۇل تۋرالى قالالىق پروكۋراتۋرا مالىمدەدى، دەپ حابارلايدى “ادىرنا” ۇلتتىق پورتالى.
ولاردىڭ كوپشىلىگى پسيحواكتيۆتى زاتتاردى قولدانۋ جانە جۇيكە جۇيەسى اۋرۋلارى بويىنشا ديسپانسەرلىك ەسەپتە تۇرادى. 2022-2023 جىلدارى ولار 1300-دەن استام جول قوزعالىسى ەرەجەسىن بۇزىپ، 28 جول اپاتىن جاساعان. كولىكتەردى زاقىمداپ، ماتەريالدىق شىعىن كەلتىرگەن، - دەيدى ۆەدومستۆو.
سونداي-اق، ولاردىڭ جۇرگىزۋشى كۋالىگىن الۋى زاڭ تالاپتارىنا قايشى كەلەتىندىكتەن 37 ادام بۇگىنگى كۇنى سوت شەشىمىمەن كولىك قۇرالىن باسقارۋ قۇقىعىنان ايىرىلدى.
قالعاندارىنا قاتىستى ءتيىستى شارالار قولدانىلىپ جاتىر.
