الماتى قالاسى ينۆەستيتسيا تارتۋ ىسىندە رەسپۋبليكاداعى ۇلەسى 8,8 پايىز. بيىل وڭتۇستىك استاناعا 1 تريلليون تەڭگە ينۆەستيتسيا تارتىلعان. مۇنىڭ كوبى ىشكى نارىقتىڭ كورسەتكىشىنە تيەسىلى.
ەلوردادان كەيىن رەسپۋبليكالىق ماڭىزعا يە شاھاردا سوڭعى 9 ايدا ەگىزگى كاپيتالعا سالىنعان سالىم 101,5 پايىزعا جەتكەن. ەلەكترونيكالىق، تەلەكوممۋنيكاتسيالىق جابدىقتار جاساۋمەن قاتار، مۇناي مەن گاز، جاڭارتىلعان ەنەرگيا كوزدەرى سىندى سالالاردى تەحنولوگيالىق تۇرعىدا قامتىعان قالانىڭ ەكونوميكاسى جاسقسى دامىعان. ماسەلەن، ءبىر يننوۆاتسيالىق پاركتىڭ وزىنە ءبىر جىلدا 50 ملرد تەڭگە ينۆەستيتسيا تارتىلعانى، ءسوزىمىزدىڭ باستى دالەلى.
ارنايى ەكونوميكالىق ايماقتاعى كوپ كومپانيانىڭ ءبىرى – گاز، سۋ، جىلۋ جانە ەلەكتر ەنەرگياسى ەسەپتەۋىشتەرىنىڭ ءوندىرىسى. ءوزىن-ءوزى قامتىپ وتىرعان كەشەن بۇگىندە ولشەۋىش قۇرالداردى شىعارىپ، ەل اۋماعىندا قىزمەت كورسەتەدى.
«2,5 ملرد تەڭگە بيۋدجەتتىڭ كولەمىندە جۇمىس اتقارىلدى.ونىڭ ىشىندە ءبىزدىڭ ءوزىمىزدىڭ جالپى ءونىمىمىز 1,5 ملرد تەڭگە بولادى. جىل سوڭىنا دەيىن2,5 ملرد تەڭگە جۇمىس كوزدەلىپ وتىر. 2024 جىلدىڭ ورتا تۇسىنا قاراي بارلىق ەسەپتەۋىشتى 100 پايىزعا قازاقستاندىق ءونىم ەتىپ شىعارۋدى قولعا الىپ وتىرمىز»، – دەدى ەسەپتەۋىش قۇرىلعىلار كومپانياسى ساتۋ ءبولىمىنىڭ جەتەكشىسى بەكبول ەگىزباەۆ.وتاندىق نارىق ءۇشىن جىلىنا 200 مىڭعا تارتا ءونىم وندىرەتىن كەزەكتى كومپانيا دا قازاقستاندىق تاۋاردى الىس-جاقىن شەتەلگە ەكسپورتتاۋدى قولعا العان. اۆتوماتتاندىرىلعان جەلى ارقىلى جۇمىس ىستەپ وتىرعان ماماندار «ەگەر ءوندىرىس وشاعى ارتسا، جۇمىس قۋاتتىلىعى دا ەسەلەپ وسەر ەدى» دەيدى. ويتكەنى، جۇزگە جەتەر-جەتپەس ادام شەتەلدىك سۇرانىستى بىلاي قويعاندا، ىشكى نارىقتىڭ تەك 30 پايىزىن قامتي الاتىن كورىنەدى.
«ID TV, تسيفرلىق تەلەديداردا قولدانىلادى. كوممۋتاتور، ينتەرنەت، Wifi مودەم، بايلانىس سالاسىندا كوپ قولدانىلادى. ءوزىمىزدىڭ ونىمدەرىمىزدى ورتالىق ازيا، ءۇندىستان، وزبەكستان، يران ەلدەرىنە ەكسپورتتايمىز. ولار – كوممۋتاتورلار. اسىرەسە وزبەكستانمەن بىزدە جاقسى تاۋار اينالىمى بولىپ جاتىر»، – دەدى ينجەنەر دانيار وماروۆ. وسى سىندى 160 كومپانيانىڭ جۇمىس ىستەۋىنە جول اشقان ارنايى ەكونوميكالىق ايماق بۇگىنگە دەيىن 7,46 ملرد تەڭگەنىڭ تاۋارىن ەكسپورتقا جىبەرگەن. بۇل دا قالانىڭ كىرىسى مەن ەل ەكونوميكاسىنىڭ كورسەتكىشىنە اسەر ەتىپ وتىر. ال الماتىنىڭ 9 ايداعى ينۆەستيتسيالىق سالىمى كوبىنە بەلگىلى ءبىر سالالاردا بايقالعان. «نەگىزگى سالىمدار – جىلجىمايتىن مۇلىك پەن وپەراتسيالار، كولىك جانە قويمالار، كوتەرمە جانە بولشەك ساۋدا مەن قارجىلىق جانە ساقتاندىرۋ قىزمەتتەرىندە ءوتىپ وتىر. ولاردىڭ ۇلەس سالماعى 71,1 پايىز»، – دەدى كاسىپكەرلىك جانە ينۆەستيتسيالار باسقارماسىنىڭ ءبولىم باسشىسى ابىلقايىر ايمۇحامبەت. يننوۆاتسيالىق تەحنولوگيالار پاركىندە 2025 جىلعا دەيىن تاعى 4 جوبا، 417 جۇمىس ورنى اشىلماق. جالپى قۇنى 11,6 ملرد تەڭگە بولاتىن ءوندىرىس نەگىزىنەن كارتريدج، مەديتسينالىق جابدىق پەن فارماتسەۆتيكالىق بۇيىم شىعارۋعا باعىتتالىپ وتىر.
