الماتى قالاسىنىڭ نەگىزگى كاپيتالىنا 484 ملرد.تەڭگە ينۆەستيتسيا تارتىلعان. ناتيجەسىندە جەكە ينۆەستيتسيالار كولەمى 2,7 پايىزعا ءوستى. اتالعان كورسەتكىشتەر رەسپۋبليكالىق دەڭگەيدەن جوعارى. ەڭبەك نارىعىندا دا جاعداي تۇراقتى. شاھاردا 29,4 مىڭ جۇمىس ورنى قۇرىلعان، ونىڭ 60 پايىزى تۇراقتى.
ايماقتىڭ ەكونوميكالىق جاعدايى جاقسارعان. ءبىر قاتا جەتەكشى سالادا ءوسىم قارقىنى بايقالادى. ماسەلەن، ساۋدا 27,2 پايىزعا وسسە، وڭدەۋ ونەركاسىبىندە بۇل ساندار 24,4 پايىز ەكەنىن كورسەتۋدە. كولىك جانە قويمالاۋ باعىتىندا ءوسىم 16,7 پايىزعا جەتكەن.
قالا ەكونوميكاسىنىڭ قۇرىلىمىندا كاسىپكەرلىك ەرەكشە ورىن الادى. شاعىن جانە ورتا بيزنەستى نەسيەلەۋ 59,6%-عا ءوسىپ،، قارقىندى جۇمىس ىستەيتىن بيزنەس سۋبەكتىلەرىنىڭ سانى 38,6%-عا ارتتى. الماتىنىڭ |يندۋستريالدى ايماعىندا 9,7 مىڭ جۇمىس ورنىن قۇرۋ ارقاسىندا 343,7 ملرد تەڭگەنىڭ 19 جوباسى ىسكە اسىرىلۋدا. بيىل 1,2 مىڭ جۇمىس ورنى قۇرىلادى، 30 ملرد تەڭگەنىڭ 14 جوباسى پايدالانۋعا بەرىلەدى. باسىم سالالاردىڭ قالا ەكونوميكاسىنا قوسقان ۇلەسى 23,4%-عا دەيىن ارتادى دەپ كۇتىلۋدە.
ەكونوميكانى ءارتاراپتاندىرۋ ماقساتىندا ءتۋريزمدى دامىتۋعا ەرەكشە ءمان بەرىلۋدە، اتاپ ايتقاندا تۋريستىك ينفراقۇرىلىمدى دامىتۋ جونىندەگى شارالار ىسكە اسىرىلۋدا. الماتىدا ەكو-وتەلدەر، قوناق ۇيلەر اشىلۋدا. جالپى، بيىلعى جىلى قالانىڭ نومىرلىك قورى 3 مىڭ توسەك-ورىنعا (27 مىڭ توسەك-ورىنعا دەيىن) ۇلعايادى. سونداي-اق، 3 كەمپينگ-ايماق («ىلە-الاتاۋ» مۇتپ-دا) جانە كىشى جانە ۇلكەن الماتى شاتقالدارىندا ۇزىندىعى 150 كم 10 تاۋ باعىتتارى اشىلادى. بۇل باعىتتار تسيفرلاندىرىلادى. 2023 جىلى شەتەلدىك تۋريستەر سانى 450 مىڭ ادامعا، ىشكى تۋريستەر سانى 1,5 ملن. ادامعا دەيىن وسەدى دەپ كۇتىلۋدە.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز