كورەيانىڭ جەتەكشى ۋنيۆەرسيتەتتەرىن تالدىقورعان قالاسىنداعى نازارباەۆ زياتكەرلىك مەكتەبىنىڭ وقۋشىلارى ارالادى. ساپار كورەيا رەسپۋبليكاسىنىڭ تۋريزم، مادەنيەت جانە سپورت مينيسترلىگى ۇيىمىنىڭ جانە كورەيا رەسپۋبليكاسى ەلشىلىگى ءبىلىم بەرۋ ورتالىعىنىڭ قولداۋىمەن ۇيىمداستىرىلدى.
زياتكەرلەر NIS وقۋشىلارى اراسىندا بۇل ەلدە وقۋعا دەگەن قىزىعۋشىلىقتىڭ نەلىكتەن جىل سايىن ارتىپ كەلە جاتقانىن ءتۇسىندىردى.
مەكتەپ وقۋشىلارى بەس ۋنيۆەرسيتەتتى، زەرتحانالاردى، ستۋدەنتتىك ۇيلەردى ارالاپ، قابىلداۋ كوميسسيالارىمەن، ەلدەگى شەتەلدىك ستۋدەنتتەردىڭ تىنىس-تىرشىلىگىمەن، وڭتۇستىك كورەيانىڭ جاس عالىمدار مەن بولاشاق كوشباسشىلارعا بەرىپ وتىرعان مۇمكىندىكتەرىمەن تانىستى.
ءار ۋنيۆەرسيتەتتىڭ وزىندىك ەرەكشەلىگى بار. مىسالى، كورەيا ۋنيۆەرسيتەتى ەلدەگى ەڭ كونە وقۋ ورىندارىنىڭ ءبىرى. اتاقتى تۇلەكتەر قاتارىنا وڭتۇستىك كورەيانىڭ ونىنشى پرەزيدەنتى لي ميون باك كىرەدى. ۋنيۆەرسيتەتتە 59 اكادەميالىق فاكۋلتەتتەر مەن باعدارلامالار بار.
12-سىنىپ وقۋشىسى اسقار قاليعا ۇناعان ۋنيۆەرسيتەتتەردىڭ ءبىرى – جەتەكشى وقۋ ورنى جانە زەرتتەۋ ۋنيۆەرسيتەتى بولىپ تابىلاتىن كورەيانىڭ عىلىم جانە تەحنولوگيانىڭ وزىق ينستيتۋتى (KAIST). 2023 جىلى KAIST الەمدەگى ەڭ بەدەلدى جانە يننوۆاتسيالىق ۋنيۆەرسيتەتتەردىڭ ءبىرى بولىپ قالا بەرەدى. ازيا ۋنيۆەرسيتەتتەرى اراسىندا 8-ءشى ورىندا.
ۋنيۆەرسيتەتتە وقۋدىڭ بارلىق كەزەڭىندە ماماندىقتى تاڭداۋعا بولادى. وقىتۋ اعىلشىن تىلىندە جۇرگىزىلەدى. ۋنيۆەرسيتەت تاماشا ستيپەنديالىق جۇيەنى ۇسىنادى. سونداي-اق وقۋدى بىتىرگەننەن كەيىن Google, LG, Samsung, Audi سياقتى ءىرى كومپانيالاردا جۇمىس ىستەۋگە مۇمكىندىك بار، — دەيدى اسقار قالي سۇحباتىندا.
Yonsei ۋنيۆەرسيتەتى «كورەي ليگا پليۋششا» اتاعىن لايىقتى تۇردە يەلەنىپ كەلەدى. بۇل وقۋ ورنىنا 10-سىنىپ وقۋشىسى ايىم باۋىرجانقىزى قىزىعۋشىلىق تانىتتى.
Yonsei سەۋل ۇلتتىق ۋنيۆەرسيتەتىمەن جانە كورەيا ۋنيۆەرسيتەتىمەن بىرگە ەلدەگى ەڭ بەدەلدى SKY ءۇش ۋنيۆەرسيتەتىنىڭ ءبىرى بولىپ تابىلادى. كورەيادا SKY ءۇش ۋنيۆەرسيتەتىنىڭ كەز كەلگەنىنە ءتۇسۋ تابىستى بولاشاق مانساپ پەن جوعارى الەۋمەتتىك مارتەبە الۋ ءۇشىن وتە ماڭىزدى بولىپ سانالادى.
گۋمانيتارلىق باعدارلامالاردىڭ كەڭ تاڭداۋى بار جانە ءسىز ءبىرىنشى وقۋ جىلىنىڭ سوڭىنا قاراي ءوز ماماندىعىڭىزدى تاڭداي الاسىز. 2023 جىلدان باستاپ Yonsei ۋنيۆەرسيتەتى NIS تۇلەكتەرىنەن ۇسىنىس حاتتارىن تالاپ ەتپەيدى، — دەيدى ايىم.
كەلەسى كەزەكتە وقۋشىلار KNU, كورەيا جانە سەۋل ۋنيۆەرسيتەتتەرىندە بولدى.
ساپار بارىسىندا مازمۇندى باعدارلاما ۇيىمداستىرىلدى. نزم وقۋشىلارى تاريحي كيونبوكگۋن سارايىن، سامسۋنگ مۇراجايىن، ايگىلى نانت اسپازدىق شوۋىن تاماشالاپ، Lotte World Adventure ويىن-ساۋىق ساياباعىن ارالاپ، ەلىمىزدىڭ مادەني مۇراسىنا قانىقتى.
ەستەرىڭىزگە سالا كەتەيىك، تالدىقورعان نزم مەن كورەيا اراسىنداعى ءبىلىم سالاسىنداعى ىنتىماقتاستىق تۋرالى مەموراندۋم 2020 جىلى جاسالعان بولاتىن.
تالدىقورعان قالاسىنداعى زياتكەرلىك مەكتەبىنىڭ وقۋشىلارى 2011 جىلدان باستاپ كورەي ءتىلىن ۇيرەنۋدە. 2018-2019 وقۋ جىلىندا 10-سىنىپتارعا كورەي ءتىلى ەكىنشى شەت ءتىلى رەتىندە وقىتۋ مىندەتتى بولىپ تابىلىپ، وقۋ جوسپارىنا ەنگىزىلدى.
2012-2015 جىلدار اراسىندا مەكتەپتە «قازاقستان-كورەيا» ستۋدەنتتەرىن الماستىرۋ بويىنشا جوبا جۇرگىزىلدى. وقۋشىلار سەۋل قالاسىنداعى تانجە مەكتەبىندە وقىپ، تاجىريبە جينادى. سونىمەن قاتار، قازاقستان دەلەگاتسياسى قۇرامىندا سۋۆون قالاسىندا وتكەن ازيا-تىنىق مۇحيت ايماعى ەلدەرىنىڭ جاستار ەكولوگيالىق فورۋمىنا قاتىسقان.
