الماتىدا شوب سۋبەكتىلەرى وندىرگەن ءونىم كولەمى 15.7 ترلن تەڭگە

1305
Adyrna.kz Telegram
https://adyrna.kz/content/uploads/2023/11/snimok-veb-straniczy_15-11-2023_21291_yandex.kz_.jpeg
الماتى قالاسى كاسىپكەرلىك جانە ينۆەستيتسيالار باسقارماسىنىڭ مالىمەتىنشە، شاھاردا 869 مىڭ ادام شاعىن جانە ورتا بيزنەسپەن اينالىسادى. بۇل دەگەنىمىز ەكونوميكالىق بەلسەندى حالىقتىڭ 83 پايىزىن قۇرايدى دەگەن ءسوز. 2022 جىل ىشىندە، شاعىن جانە ورتا كاسىپكەرلىك شىعارعان ءونىمنىڭ كولەمى 15,7 ترلن. تەڭگەنى، ناقتى كولەمىنىڭ يندەكسى – 131,1%-دى قۇرادى، - دەپ اتاپ ءوتتى باسقارما باسشىسى. 2022 جىلدىڭ قورىتىندىسى بويىنشا ونەركاسىپتە وڭدەۋ ونەركاسىبىنىڭ 13%-عا ءوسۋىنىڭ ەسەبىنەن ءوسىم 9,6%-عا قامتاماسىز ەتىلدى. بەرىك سولتانباەۆتىڭ ايتۋىنشا، شاعىن جانە ورتا كاسىپكەرلىك قالا ەكونوميكاسىنىڭ ىرگەتاسى بولىپ تابىلادى. بيزنەستى مەملەكەتتىك قولداۋ بويىنشا جۇيەلى جۇمىس جۇرگىزىلۋدە. بۇل رەتتە، جاڭا جۇمىس ورىندارىن قۇرۋ ماقساتىندا، قارجىلىق جانە قارجىلىق ەمەس قولداۋ قۇرالدارىنىڭ كەڭ جيىنتىعى تارتىلعان. وسى جىلى سوماسى 80 ملرد. تەڭگەنى قۇرايتىن 900-دەن استام جوبا قارجىلاندىرىلدى. اۋقىمدى ينۆەستيتسيالىق جوبالار الماتى – يندۋستريالىق ايماعىندا جانە «يننوۆاتسيالىق تەحنولوگيالار پاركى» ارنايى ەكونوميكالىق ايماعىندا دامۋدا، - دەپ حابارلادى بەرىك سولتانباەۆ. اتاپ ايتقاندا، قازىر الماتى – يندۋستريالىق ايماعىنىڭ اۋماعىندا سوماسى 381,4 ملرد. تەڭگەنى قۇرايتىن 87 جوبا ىسكە اسىرىلۋدا، 10 مىڭنان استام جۇمىس ورنى قۇرىلدى. اسا شاعىن كاسىپورىندار ءۇشىن شاعىن ونەركاسىپتىك پاركتەر باعدارلاماسى بەلسەندى تۇردە ىسكە اسىرىلۋدا، ونداعى ءۇي-جايلار جەڭىلدىك شارتتارىمەن ۇسىنىلادى. جۇمىسى توقتاپ تۇرعان ونەركاسىپ نىساندارىن جاڭا يننوۆاتسيالىق تەحنوپاركتەر مەن كلاستەرلەرگە قايتا قۇرىلىمداۋ جۇرگىزىلۋدە. ينۆەستيتسيالار تارتۋ جانە ينۆەستورلاردى سۇيەمەلدەۋ ماقساتىندا، الماتى قالاسىندا 2023 جىلعى ناۋرىزدا «Almaty Business Development Company» الماتى قالاسىنىڭ بيزنەسىن دامىتۋ جونىندەگى كومپانياسى» جشس ءوز جۇمىسىن باستادى، ول بيزنەس-قوعامداستىققا «ءبىر تەرەزە» قاعيداتى بويىنشا قىزمەتتەر كەشەنىن كورسەتەدى. بەرىك سولتانباەۆ اتاپ وتكەندەي، الماتى قالاسىنىڭ ەكونوميكاسىن دامىتۋدىڭ نەگىزگى باسىم باعىتتارىنىڭ ءبىرى – كرەاتيۆتى يندۋستريانى دامىتۋ ەسەبىنەن ەكونوميكانى تۇرلەندىرۋ ءۇشىن جاعداي جاساۋ بولىپ تابىلادى. قازىردىڭ وزىندە، كرەاتيۆتى سەكتوردا 19 مىڭنان استام كومپانيا جۇمىس ىستەيدى. اتالعان سالانى دامىتۋ ءۇشىن، كاسىپكەرلەرگە جان-جاقتى، ونىڭ ىشىندە، وقىتۋ باعدارلامالارىن ىسكە اسىرۋ، جەڭىلدىكپەن قارجىلاندىرۋ، گرانتتار بەرۋ، ءۇي-جايلار ۇسىنۋ سەكىلدى قولداۋ كورسەتىلەدى. شىعارماشىلىق باستامالاردى ىسكە اسىرۋ ءۇشىن، جۋىق ارادا كرەاتيۆتى حابتار مەن كلاستەرلەر ىسكە قوسىلاتىن بولادى.
پىكىرلەر