Almatyda ŞOB subektılerı öndırgen önım kölemı 15.7 trln teŋge

Almaty qalasy Käsıpkerlık jäne investisiialar basqarmasynyŋ mälımetınşe, şaharda 869 myŋ adam şaǧyn jäne orta biznespen ainalysady. Būl degenımız ekonomikalyq belsendı halyqtyŋ 83 paiyzyn qūraidy degen söz. 2022 jyl ışınde, şaǧyn jäne orta käsıpkerlık şyǧarǧan önımnıŋ kölemı 15,7 trln. teŋgenı, naqty kölemınıŋ indeksı – 131,1%-dy qūrady, - dep atap öttı Basqarma basşysy. 2022 jyldyŋ qorytyndysy boiynşa önerkäsıpte öŋdeu önerkäsıbınıŋ 13%-ǧa ösuınıŋ esebınen ösım 9,6%-ǧa qamtamasyz etıldı. Berık Soltanbaevtyŋ aituynşa, şaǧyn jäne orta käsıpkerlık qala ekonomikasynyŋ ırgetasy bolyp tabylady. Biznestı memlekettık qoldau boiynşa jüielı jūmys jürgızılude. Būl rette, jaŋa jūmys oryndaryn qūru maqsatynda, qarjylyq jäne qarjylyq emes qoldau qūraldarynyŋ keŋ jiyntyǧy tartylǧan. Osy jyly somasy 80 mlrd. teŋgenı qūraityn 900-den astam joba qarjylandyryldy. Auqymdy investisiialyq jobalar Almaty – İndustriialyq aimaǧynda jäne «İnnovasiialyq tehnologiialar parkı» arnaiy ekonomikalyq aimaǧynda damuda, - dep habarlady Berık Soltanbaev. Atap aitqanda, qazır Almaty – İndustriialyq aimaǧynyŋ aumaǧynda somasy 381,4 mlrd. teŋgenı qūraityn 87 joba ıske asyryluda, 10 myŋnan astam jūmys orny qūryldy. Asa şaǧyn käsıporyndar üşın şaǧyn önerkäsıptık parkter baǧdarlamasy belsendı türde ıske asyryluda, ondaǧy üi-jailar jeŋıldık şarttarymen ūsynylady. Jūmysy toqtap tūrǧan önerkäsıp nysandaryn jaŋa innovasiialyq tehnoparkter men klasterlerge qaita qūrylymdau jürgızılude. İnvestisiialar tartu jäne investorlardy süiemeldeu maqsatynda, Almaty qalasynda 2023 jylǧy nauryzda «Almaty Business Development Company» Almaty qalasynyŋ biznesın damytu jönındegı kompaniiasy» JŞS öz jūmysyn bastady, ol biznes-qoǧamdastyqqa «bır tereze» qaǧidaty boiynşa qyzmetter keşenın körsetedı. Berık Soltanbaev atap ötkendei, Almaty qalasynyŋ ekonomikasyn damytudyŋ negızgı basym baǧyttarynyŋ bırı – kreativtı industriiany damytu esebınen ekonomikany türlendıru üşın jaǧdai jasau bolyp tabylady. Qazırdıŋ özınde, kreativtı sektorda 19 myŋnan astam kompaniia jūmys ısteidı. Atalǧan salany damytu üşın, käsıpkerlerge jan-jaqty, onyŋ ışınde, oqytu baǧdarlamalaryn ıske asyru, jeŋıldıkpen qarjylandyru, granttar beru, üi-jailar ūsynu sekıldı qoldau körsetıledı. Şyǧarmaşylyq bastamalardy ıske asyru üşın, juyq arada kreativtı habtar men klasterler ıske qosylatyn bolady.