«وتباسى» بانكى ەلىمىزدىڭ 20 ملن-شى تۇرعىنى اتانعان 5 بالاعا 2 ملن تەڭگەدەن بەرەدى. بۇل تۋرالى «وتباسى بانكى» اق باسقارما توراعاسى ءلاززات يبراگيموۆا ايتتى، دەپ حابارلايدى “ادىرنا” ۇلتتىق پورتالى.
«وتباسى بانكى» ەلىمىزدىڭ 20 ملن-شى تۇرعىنى اتانعان بالالاردىڭ بولاشاعىنا دا ءوز ۇلەسىن قوسقىسى كەلەدى. ءبىز ولارعا ارقايسىسى 2 ملن تەڭگە نومينالدى قۇنى بار سىيلىق سەرتيفيكاتىن سىيلايمىز. بۇل سەرتيفيكات جاي عانا سىيلىق ەمەس. ول – جارقىن بولاشاققا جولداما. بۇل قاراجات جەكە باسپانا ساتىپ الۋدىڭ العاشقى قادامى بولادى، - دەدى ول ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا.
سەرتيفيكاتتى قولدانۋ ءۇشىن بالالاردىڭ اتا-انالار وزدەرى تۇرىپ جاتقان قالاداعى بانك فيليالىنا بارىپ، جەكە كۋالىگىن، بالانىڭ تۋ تۋرالى كۋالىگىن كورسەتۋى كەرەك. سونىمەن قاتار ۆيدەوبانكينگ ارقىلى دا حابارلاسۋعا بولادى.
ول ءۇشىن اتا-انالارعا 3 اي ۋاقىت بەرىلەدى، - دەدى ءلاززات يبراگيموۆا.
ايتا كەتەيىك، وتكەن ايدا مەملەكەت باسشىسى ناگرادالار مەن سىيلىقتار تاپسىرۋعا ارنالعان سالتاناتتى راسىمدە كوپ ۇزاماي حالىق سانى 20 ميلليونعا جەتەتىنىن ايتقان ەدى.
