پرەزيدەنت رەفورمالارىنىڭ تيىمدىلىگى – حالىق پەن اكىم جاۋاپكەرشىلىگى ورتاق

1740
Adyrna.kz Telegram
https://adyrna.kz/content/uploads/2023/11/137d87c3-728f-486f-acbe-a66131e39e72.jpeg

ءماجىلىس توراعاسى ەرلان قوشانوۆ «كازاحستانسكايا پراۆدا» گازەتىنە بەرگەن سۇحباتىندا پرەزيدەنت قاسىم-جومارت توقاەۆتىڭ ۇلىقتاۋ راسىمىنەن بەرى ءبىر جىلدا ەلىمىزدە اتقارىلعان جۇمىستارعا توقتالدى. ونىڭ پىكىرىنشە، اكىمدەر سايلاۋى – مەملەكەت باسشىسى قولعا العان رەفورمالار تيىمدىلىگىنىڭ ايقىن كورسەتكىشىنىڭ ءبىرى.

«ءبىز ورتالىق ازيادا بۇل پروگرەسسيۆتى رەفورمانى العاشقى بولىپ قولعا الدىق. ەكى جىلدان بەرى سايلاۋشىلار اۋىلدىق وكرۋگتەردىڭ اكىمدەرىن تىكەلەي سايلادى. 1700-گە جۋىق اكىم سايلاندى. دەپۋتاتتار وڭىرلەردى ۇنەمى ارالاپ، سايلانعان اكىمدەردىڭ بەلسەندى ەكەنىن كورىپ وتىر. ولار ءماجىلىس دەپۋتاتتارىنا ناقتى سۇراقتاردى باتىل قويىپ، جاۋاپتارىن تالاپ ەتەدى»، – دەدى ەرلان قوشانوۆ.

سونداي-اق ول اۋىل تۇرعىندارى وزدەرى سايلاعان اكىمدەردى سىناۋدى ازايتىپ، كومەكتەسۋگە، قورعاۋعا تىرىساتىنىن اتاپ ءوتتى.

«حالىق ءوز اكىمدەرىن وزدەرى سايلاعانىن جانە ەندى ونىمەن جاۋاپكەرشىلىك تە ورتاق ەكەنىن تۇسىنەدى. مەملەكەت باسشىسى رەفورمالارىنىڭ تيىمدىلىگى دەگەنىمىز وسى»، – دەدى ءماجىلىس توراعاسى.

سپيكەر جۋىردا وتكەن 42 اۋدان مەن وبلىستىق ماڭىزى بار 3 قالا اكىمدەرىنىڭ پيلوتتىق رەجيمدە سايلاۋى تۋرالى دا ءوز ويىمەن ءبولىستى. كەلەسى كەزەڭ – وبلىستىق ماڭىزى بار قالالاردىڭ باسشىلارىن سايلاۋ.

«ەگەر سايلانعان اكىم بەرگەن ۋادەلەرىن ورىنداماي، ناتيجەلى جۇمىس ىستەمەسە، ول ءماسليحات دەپۋتاتتارى مەن ءوز سايلاۋشىلارىنىڭ سىنىنا ۇشىرايدى. ەستەرىڭىزگە سالا كەتەيىن، دەپۋتاتتار اكىمگە سەنىمسىزدىك تانىتا الادى. جاقىندا «قوعامدىق باقىلاۋ تۋرالى» زاڭمەن ەنگىزىلگەن وتىنىشتەر ينستيتۋتى جۇمىسىن باستايدى. مۇنىڭ بارلىعى مەملەكەتتىك ورگانداردىڭ جاۋاپكەرشىلىگىن ارتتىرا تۇسەدى»، – دەدى ءماجىلىس توراعاسى.

ەرلان قوشانوۆتىڭ ايتۋىنشا، ساياسي جۇيەنىڭ اشىقتىعى ارتىپ، مۇددەلەردىڭ ءلوببيىن قولداۋ مۇمكىندىگى جويىلۋدا.

«ال بۇل كوسمەتيكالىق وزگەرىستەر ەمەس، ورتالىقتاعى جانە جەرگىلىكتى جەردەگى اتقارۋشى جانە وكىلدى بيلىكتى وزگەرتەتىن سالماقتى شەشىمدەر»، – دەدى ساياساتكەر.

سۇحباتتا ءماجىلىس سپيكەرى ءبىر جىل ىشىندە ەلىمىزدەگى زاڭ شىعارۋ سالاسىنداعى جانە ساياسي وزگەرىستەرگە دە توقتالىپ، «ادىلەتتى قازاقستان» تۋرالى ويىمەن ءبولىستى.

 

پىكىرلەر