Mäjılıs töraǧasy Erlan Qoşanov «Kazahstanskaia pravda» gazetıne bergen sūhbatynda Prezident Qasym-Jomart Toqaevtyŋ ūlyqtau räsımınen berı bır jylda elımızde atqarylǧan jūmystarǧa toqtaldy. Onyŋ pıkırınşe, äkımder sailauy – Memleket basşysy qolǧa alǧan reformalar tiımdılıgınıŋ aiqyn körsetkışınıŋ bırı.
«Bız Ortalyq Aziiada būl progressivtı reformany alǧaşqy bolyp qolǧa aldyq. Ekı jyldan berı sailauşylar auyldyq okrugterdıŋ äkımderın tıkelei sailady. 1700-ge juyq äkım sailandy. Deputattar öŋırlerdı ünemı aralap, sailanǧan äkımderdıŋ belsendı ekenın körıp otyr. Olar Mäjılıs deputattaryna naqty sūraqtardy batyl qoiyp, jauaptaryn talap etedı», – dedı Erlan Qoşanov.
Sondai-aq ol auyl tūrǧyndary özderı sailaǧan äkımderdı synaudy azaityp, kömektesuge, qorǧauǧa tyrysatynyn atap öttı.
«Halyq öz äkımderın özderı sailaǧanyn jäne endı onymen jauapkerşılık te ortaq ekenın tüsınedı. Memleket basşysy reformalarynyŋ tiımdılıgı degenımız osy», – dedı Mäjılıs töraǧasy.
Spiker juyrda ötken 42 audan men oblystyq maŋyzy bar 3 qala äkımderınıŋ pilottyq rejimde sailauy turaly da öz oiymen bölıstı. Kelesı kezeŋ – oblystyq maŋyzy bar qalalardyŋ basşylaryn sailau.
«Eger sailanǧan äkım bergen uädelerın oryndamai, nätijelı jūmys ıstemese, ol mäslihat deputattary men öz sailauşylarynyŋ synyna ūşyraidy. Esterıŋızge sala keteiın, deputattar äkımge senımsızdık tanyta alady. Jaqynda «Qoǧamdyq baqylau turaly» zaŋmen engızılgen ötınışter instituty jūmysyn bastaidy. Mūnyŋ barlyǧy memlekettık organdardyŋ jauapkerşılıgın arttyra tüsedı», – dedı Mäjılıs töraǧasy.
Erlan Qoşanovtyŋ aituynşa, saiasi jüienıŋ aşyqtyǧy artyp, müddelerdıŋ lobbiın qoldau mümkındıgı joiyluda.
«Al būl kosmetikalyq özgerıster emes, ortalyqtaǧy jäne jergılıktı jerdegı atqaruşy jäne ökıldı bilıktı özgertetın salmaqty şeşımder», – dedı saiasatker.
Sūhbatta Mäjılıs spikerı bır jyl ışınde elımızdegı zaŋ şyǧaru salasyndaǧy jäne saiasi özgerısterge de toqtalyp, «Ädılettı Qazaqstan» turaly oiymen bölıstı.
