قر پرەزيدەنتتىگىنە ۇمىتكەر د.م. ەسپاەۆانىڭ رەسپۋبليكالىق
شتابى ناۋقان اياسىندا جامبىل وبلىسىندا بولدى
2019 جىل 4 ماۋسىمدا قازاقستان رەسپۋبليكاسىنىڭ پرەزيدەنتتىگىنە ۇمىتكەر د.م. ەسپاەۆانىڭ سەنىمدى وكىلدەرى ا.ت. پەرۋاشەۆ، ب.و. وتەپباەۆ، ا.ا. قوشمامبەتوۆ جانە وبلىستىق پارتيا ۇيىمىنىڭ بەلسەندىلەرى جامبىل وبلىسىندا بىرقاتار كەزدەسۋ وتكىزدى. العاشقى كەزدەسۋ بايزاق اۋدانىنىڭ ورتالىعى سارىكەمەر اۋىلىنداعى مادەنيەت ۇيىندە سايلاۋشىلاردىڭ بەلسەندى قاتىسۋىمەن ءوتتى. سەنىمدى وكىلدەرگە الەۋمەتتىك، زەينەتاقى، كوپبالالى انالارعا بەرىلەتىن جاردەماقى جانە حالىقتى جۇمىسپەن قامتۋ سالالارى بويىنشا كوپتەگەن سۇراقتار قويىلدى. كەزدەسۋ بارىسىندا د.م. ەسپاەۆانىڭ ءومىرى مەن قىزمەتىنە قىزىعۋشىلىق تانىتىلدى.
بۇدان كەيىن رەسپۋليكالىق شتاب وكىلدەرى «قوستوبە» اۋىلىندا شاعىن بيزنەس وكىلدەرى مەن شارۋا قوجالىقتار وكىلدەرىمەن كەزدەسۋدە بولدى. كەزدەسۋ «قوستوبە» اۋىلدىق وكرۋگىنىڭ اكىمشىلىك عيماراتىنىڭ كونفەرەنتس زالىندا ءوتتى. سەنىمدى وكىلدەرگە مەملەكەت تاراپىنان اۋىل شارۋشىلىعىمەن اينالىساتىن كاسىپكەرلەرگە بەرىلەتىن سۋبسيديا مەن نەسيەلەر ماسەلەلەرى بويىنشا كوپتەگەن سۇراقتار قويىلدى.
كەلەسى ءبىر ۇگىت كەزدەسۋ تاراز قالاسىنداعى «قوشمامبەتوۆ ي ك» جشس-ءى مەكەمەسىنىڭ كونفەرەنتس زالىندا تاراز قالاسىنىڭ ءىرى، ورتا جانە شاعىن كاسىپكەرلەرىمەن ءوتتى. ازات تۇرلىبەكۇلى پارلامەنت ماجىلىسىندە «اق جول» فراكتسياسى دەپۋتاتتارىنىڭ اتقارعان جۇمىستارىنا قىسقاشا شولۋ جاساپ، پرەزيدەنتتىككە ۇمىتكەر ەسپاەۆا دانيا ماديقىزىنىڭ سايلاۋ الدى باعدارلاماسىن ءتۇسىندىرىپ ايتىپ ءوتتى.
قر پرەزيدەنتتىككە ۇمىتكەر دانيا ەسپاەۆانىڭ سايلاۋالدى ۇگىت ناۋقانى جالعاسۋدا.
«اق جول» پارتياسىنىڭ جامبىل وبلىستىق فيليالى
