ءماجىلىس دەپۋتاتى سەرگەي پونوماريوۆ ەلىمىزدەگى ورىس ءتىلدى ازاماتتار مەملەكەتتىك ءتىلدى بەلسەندى مەڭگەرۋ كەرەك ەكەنىن ايتتى، دەپ حابارلايدى “ادىرنا” ۇلتتىق پورتالى.
ونىڭ ايتۋىنشا، قازاق ءتىلىن ءبىلۋ - تۇلعالىق ءارى قوعامدىق دامۋعا، سونداي-اق ۇلتارالىق تاتۋلىقتى نىعايتۋعا ىقپال ەتەدى.
پونوماريوۆ سىرتقى ىقپالدار قاۋپىنە الاڭداۋشىلىق ءبىلدىرىپ، ەتنوستاردىڭ بىرىگۋ قاجەت ەكەنىن العا تارتتى. ول حالىقارالىق شيەلەنىستەر اياسىندا ەل ىشىندەگى بىرلىكتى ساقتاۋ ماڭىزدى ەكەنىن ايتتى.
سەرگەي پونوماريوۆ — «Amanat» پارتياسىنان سايلانعان ءماجىلىس دەپۋتاتى.
قازاقستان پرەزيدەنتى قاسىم-جومارت توقاەۆ قازاق ءتىلى بەدەلدى ءارى كەڭ قولدانىلاتىن تىلگە اينالۋى قاجەت ەكەنىن باسا ايتتى. سونىمەن قاتار ول ءتىلدى جەتىك بىلمەيتىن ازاماتتاردىڭ قۇقىقتارى شەكتەلمەۋى ءتيىس ەكەنىنە اكتسەنت قويدى.
سونداي-اق مەملەكەت باسشىسى قازاق ءتىلىنىڭ قولدانۋ اياسىن كەڭەيتىپ، ونى عىلىم مەن تەحنيكا تىلىنە اينالدىرۋدى، قازاق ءتىلدى جوبالار مەن تسيفرلىق كونتەنتتى كولداۋدى تاپسىردى. بۇل مەملەكەتتىك ءتىلدىڭ ءبىلىم بەرۋ، ىسكەرلىك جەنە مەدياسالادا ەركىن قولدانىلۋىن كامتاماسىز ەتۋ ءۇشىن قاجەت.
