پروفيلدەن – اينەككە دەيىن. الماتىداعى ءوندىرىستىڭ الەۋەتى وراسان

1505
Adyrna.kz Telegram
https://adyrna.kz/content/uploads/2023/11/2t3nuyr5la9lf4dij2d89zjslpaym70y.jpeg
ەلىمىزدە پۆح ونىمدەرىن ءوندىرۋ بويىنشا جەتەكشى كومپانيالار جەتەرلىك. سونىڭ ءبىرى الماتى شاھارىندا ورنالاسقان. «كومبينات سۆەتوپروزراچنىح كونسترۋكتسي» دەپ اتالاتىن جاۋاپكەرشىلىگى شەكتەۋلى سەرىكتەستىك ەكى جىلدىڭ ىشىندە قۇرىلىس نارىعىنداعى ىرگەلى كومپانياعا اينالعان، دەپ حابارلايدى «ادىرنا» ءتىلشىسى. «كومپانيا قۇرىلعانىنا ەكى جىل ۋاقىت بولعانىنا قاراماستان قۇرىلىس نارىعىنداعى جەتەكشى كومپانيالاردىڭ بىرىنە اينالعان. ءبىزدىڭ زاۋىتتىڭ بىرەگەيلىگى سول، ءبىر «شاڭىراق» استىندا ءتورت ءتۇرلى ءونىم شىعارادى. مۇندا پروفيل جاساۋدان باستاپ اينەككە دەيىن كەز كەلگەن كۇردەلىلىكتەگى ۆيتراجدار، تەرەزە جانە ەسىك جۇيەلەرىن جاساۋدىڭ ۇزدىكسىز پروتسەسى جۇرەدى. سەنىمدى جەتكىزۋشىلەر ارقىلى شىنى الامىز. ماسەلەن، ءال-فارابي داڭعىلىنداعى جاڭا «Almaty Theatre» قۇرىلىسىنا ءبىزدىڭ زاۋىتتىڭ ونىمدەرى پايدالانىلعان. حالىق تۇتىناتىن تاۋارلارعا قاشان دا سۇرانىس بار. قازىر زاماناۋي ۇلگىدەگى ءتۇرلى عيماراتتار دا، جەكە تۇرعىن ۇيلەر دە كوز ىلەسپەس جىلدامدىقپەن سالىنىپ، بوي كوتەرۋدە. ءبىز سولارعا مەتالل پلاستيكتەن كەز كەلگەن كۇردەلىلىكتەگى ۆيتراجدار، تەرەزە جانە ەسىك جۇيەلەرىن ءوندىرۋ جانە ورناتۋ بويىنشا جۇمىستاردى ورىندايمىز»، – دەيدى زاۋىت تەحنولوگى دميتري كۋلاكوۆ. «Center Leasing» جشس ارقىلى ءوز قىزمەتىن كەڭەيتۋ ءۇشىن كومپانيا كاسىپكەرلىكتى دامىتۋدىڭ 2021–2025 جىلدارعا ارنالعان ۇلتتىق جوباسى بويىنشا ينۆەستيتسياعا قارجى العان. باعدارلاما شارتتارىنا سايكەس سىياقى مولشەرلەمەسىنىڭ سۋبسيديالاناتىن بولىگى جىلدىق 21,75%-دىڭ 13,75%-ىن قۇرايدى. «كومبينات سۆەتوپروزراچنىح كونسترۋكتسي» جشس قولداۋ اياسىندا جاڭا جۇمىس ورىندارىن اشقان.
پىكىرلەر