Profilden – äinekke deiın. Almatydaǧy öndırıstıŋ äleuetı orasan

Elımızde PVH önımderın öndıru boiynşa jetekşı kompaniialar jeterlık. Sonyŋ bırı Almaty şaharynda ornalasqan. «Kombinat Svetoprozrachnyh Konstruksii» dep atalatyn jauapkerşılıgı şekteulı serıktestık ekı jyldyŋ ışınde qūrylys naryǧyndaǧy ırgelı kompaniiaǧa ainalǧan, dep habarlaidy «Adyrna» tılşısı. «Kompaniia qūrylǧanyna ekı jyl uaqyt bolǧanyna qaramastan qūrylys naryǧyndaǧy jetekşı kompaniialardyŋ bırıne ainalǧan. Bızdıŋ zauyttyŋ bıregeilıgı sol, bır «şaŋyraq» astynda tört türlı önım şyǧarady. Mūnda profil jasaudan bastap äinekke deiın kez kelgen kürdelılıktegı vitrajdar, tereze jäne esık jüielerın jasaudyŋ üzdıksız prosesı jüredı. Senımdı jetkızuşıler arqyly şyny alamyz. Mäselen, äl-Farabi daŋǧylyndaǧy jaŋa «Almaty Theatre» qūrylysyna bızdıŋ zauyttyŋ önımderı paidalanylǧan. Halyq tūtynatyn tauarlarǧa qaşan da sūranys bar. Qazır zamanaui ülgıdegı türlı ǧimarattar da, jeke tūrǧyn üiler de köz ılespes jyldamdyqpen salynyp, boi köterude. Bız solarǧa metall plastikten kez kelgen kürdelılıktegı vitrajdar, tereze jäne esık jüielerın öndıru jäne ornatu boiynşa jūmystardy oryndaimyz», – deidı zauyt tehnology Dmitrii Kulakov. «Center Leasing» JŞS arqyly öz qyzmetın keŋeitu üşın kompaniia Käsıpkerlıktı damytudyŋ 2021–2025 jyldarǧa arnalǧan ūlttyq jobasy boiynşa investisiiaǧa qarjy alǧan. Baǧdarlama şarttaryna säikes syiaqy mölşerlemesınıŋ subsidiialanatyn bölıgı jyldyq 21,75%-dyŋ 13,75%-yn qūraidy. «Kombinat Svetoprozrachnyh Konstruksii» JŞS qoldau aiasynda jaŋa jūmys oryndaryn aşqan.