جاڭا نىسان شاھارداعى «يننوۆاتسيالىق تەحنولوگيالار پاركى» ارنايى ەكونوميكالىق ايماعىندا بوي كوتەردى، دەپ جازدى «ادىرنا» ءتىلشىسى.
ينۆەستيتسيالىق جوبانى 1976 جىلدان باستاپ مۇناي-گاز جانە ەلەكتروتەحنيكالىق ونىمدەر نارىعىندا تانىمال مالايزيالىق كومپانيانىڭ ورتالىق ازيا وكىلدىگى جۇزەگە اسىردى. ءوندىرىس پروتسەسىندە تومەن ۆولتتى جۇيەنىڭ يننوۆاتسيالىق تەحنولوگياسى قولدانىلاتىن بولادى.
بىرەگەي جوبانى مالايزيالىق كومپانيانىڭ ورتالىق ازياداعى وكىلدىگى جۇزەگە اسىرۋدا. ولار 1976 جىلدان باستاپ، باستاپ مۇناي-گاز جانە ەلەكتروتەحنيكالىق ونىمدەر نارىعىندا باسەكەگە قابىلەتتى زاۋىت رەتىندە تانىمال.
كومپانيا ديرەكتورى تان مەي يوك، «يننوۆاتسيالىق تەحنولوگيالار پاركى» ارنايى ەكونوميكالىق ايماعىندا 2017 جىلدان بەرى مۇشەبولعاندارىن اتاپ ءوتتى. ونىڭ سوزىنسە، قازاقستاندا زاۋىت اشۋ ورتا ازيا مەن دۋباي، ەۋروپاعا ءونىمدى وتكىزۋگە قولايلى ەكەن. تاياۋ بولاشاقتا زاۋىت ونىمدەرى «قازاقستاندا جاسالعان» تاۋرلىق بەلگىسىمەن شىعارىلماق.
– ءبىزدىڭ باستى ماقساتىمىز – ەلەكترقالقان جابدىقتارىن كوبىرەك شىعارۋ. وسى ارقىلى مۇنداي ونىمدەردىڭ يمپورتىن ازايتۋعا ۇلەس قوسقىمىز كەلەدى. جەرگىلىكتى سۇرانىستى ارتتىرۋدى كوزدەپ وتىرمىز. KZ سەرتيفيكاتسياسىن العان سوڭ، بىردەن مۇناي-گاز سالاسى مەن تاۋ-كەن ونەركاسىبىنە دە ارنايى جابدىقتار شىعارامىز، – دەدى زاۋىتتىڭ ماركەتينگ جانە دامۋ جونىندەگى ينجەنەرى جاحونگير وڭعاروۆ. بيىل الەۋمەتتىك-ەكونوميكالىق دامۋ ماسەلەلەرى بويىنشا كەڭەيتىلگەن كەڭەس بارىسىندا مەملەكەت باسشىسى ماڭىزدى ينۆەستيتسيالىق جوبالارعا پروكۋرورلاردىڭ قاتىسۋىمەن ينۆەستيتسيا تارتۋدىڭ ماڭىزدى ەكەنىن ايتقان ەدى. اتالعان تاپسىرما بويىنشا قازىر قارقىندى جۇمىس جۇرگىزىلۋدە. – قازىرگى تاڭدا پروكۋراتۋرا ورگاندارى ماڭىزدى ينۆەست جوبالارعا قولداۋ كورسەتۋدە. OISB Kazakhstan-نىڭ قۇقىقتىق سۇراعىنا مەدەۋ اۋدانىنىڭ پروكۋراتۋراسى كومەك كورسەتىپ، ماسەلە شەشىلۋدە، – دەدى مەدەۋ اۋدانى پروكۋرورىنىڭ ورىنباسارى باۋىرجان تولەندينوۆ. – بۇگىن ىسكە قوسىلعان جوبانى تولىقتاي شەتەلدىك ينۆەستورلار قارجىلاندىردى. قازىر قۇنى 20 ميلليارد تەڭگەدەن اساتىن 15-كە جۋىق جوبا جۇزەگە اسىرىلۋدا. ولارعا قازاقستاننىڭ ارنايى ەكونوميكالىق ايماقتارى بىردەي كومەك كورسەتەدى. جەر ۋچاسكەسىمەن قامتاماسىز ەتۋ، كەي سالىقتان ۋاقىتشا بوساتۋ جانە كەدەندىك جەڭىلدىكتەر قاراستىرىلعان، – دەدى «الاتاۋ» تەحنوپاركى» يتپ اەا جشس باسقارۋشى كومپانياسىنىڭ باس ديرەكتورى ولجاس سارتاەۆ.كاسىپورىننىڭ وندىرىستىك قۋاتى جىلىنا 2 مىڭعا جۋىق ءونىم شىعارۋعا قاۋقارلى. ەلەكتروتەحنيكالىق جابدىقتار مەن ەلەكتر ەنەرگياسىن تاراتۋ جۇيەلەرىنە ەلىمىزدە سۇرانىس جوعارى. قوماقتى قارجىنى قاجەت ەتكەن جوبانىڭ العاشقى فازاسىندا 50 جۇمىس ورنى اشىلادى. باسەكەگە قابىلەتتى زاۋىت الداعى ۋاقىتتا قازاقستاندا جاسالعان ونىمدەردى الەمدىك نارىققا شىعارۋدى جوسپارلاۋدا. «يننوۆاتسيالىق تەحنولوگيالار پاركى» ارنايى ەكونوميكالىق ايماعىندا بۇگىندە 6700-دەن استام جۇمىس ورنى بار. ال قازاقستاندىق-مالايزيالىق بىرلەسكەن جوباعا جەرگىلىكتى ماماندار تارتىلادى.
